“Зоорь”, “Цагаан хадаг”, “Сайн аав”, “Надаар тоглосон хайр”, “Тусгаар тогтнол”, “Улаан дөрвөлжин”, “Үндэс” зэрэг кинонд дүрээ мөнхөлсөн, авьяаслаг уран бүтээлч О.Анужинтай ярилцлаа.

-Манай уншигчдад өөрийгөө танилцуулаач

-Сайн байна уу Намайг Одончимэгийн Анужин гэдэг. Би 16 настай. Хоёрдугаар сургуулийн 12б ангид суралцдаг. Мөн Монголын хүүхдийн ордны драмын дугуйланд 12 дахь жилдээ Ө.Нямсүрэн багшийн удирдлага дор суралцаж байгаа.

-Яагаад драмын дугуйланд явах болсон бэ?

-Би кино үзэх дуртай, үйл явдалд нь уусч үздэг байсан. звэрт нь бүр орчдог хүүхэд байсан. Тэгээд л жүжигчин болохыг хүсэж мөрөөддөг болсон. Манай ээж миний мөрөөдлийг дэмжээд, намайг улам хөгжүүлэх зорилгоор драмын дугуйлан гэх энэ том гэр бүлийн гишүүн болоход гүүр болж өгсөн юм. Энэ нь миний хувьд хамгийн зөв алхам байж чадсан гэж боддог.

-Суралцаж байх хугацаандаа ямар ямар амжилт гаргасан бэ?

- 12 жил суралцахдаа Монголын хүүхдийн ордны алт, мөнгө, хүрэл, хүүхэд эрдэнэ, Монголын хүүхдийн ордны 60 жилийн нэрэмжит шагнал мөн Монголын сурагчдын холбооны авьяаслаг сурагч түүнчлэн 2014 онд “48 цаг” бэсрэг наадамд оролцон шилдэг жүжигчин шагнал, “48 цаг” олон улсын наадмаас шилдэг жүжиглэлттэй гэх мэт амжилт гаргасан.

-Цөөнгүй кинонд дүрээ чадварлаг бүтээж байгааг нь харсан. Хэчнээн кинонд тоглосон бэ?

-Хүмүүсийн сайн мэдэхээр Зоорь, Цагаан хадаг, Сайн аав, Залуу мөрдөгчид, Надаар тоглосон хайр, Дурлал сүйтгэгч, Мөрдөгч, Нар гарна аа аз жаргал минь, Амьдралд тавьтай морил, Тусгаар тогтнол, Улаан дөрвөлжин, Үндэс гэх кинонд дүр бүтээсэн.

-Энэ бүх кинонд тоглох урилга ирсэнүү?

-Манай дугуйланд найруулагч нар кинондоо тохирох хүүхдээ хайж ирдэг. Анх дугайланд элссэн жилээЭ.Мөнх-эрдэнэ найруулагчийн шалгуурт тэнцэж, анхны богино хэмжээний кинондоо дүр бүтээсэн. Дараа дараагийн бүтээлд яг үүнтэй адилхан тэнцэж тоглосон. Мөн заримдаа урилга ирдэг.

-Кинонд тоглох үеэрээ шантрах, өөрийгөө голох тохиолдол гардаг уу. Тийм  бол юунаас урам зориг авдаг вэ?

-Дүрдээ сайн орж чадахгүй байх явцдаа үе үе шантарч байсан. Миний үеийн зарим хүүхэд надад хэд хэдэн удаа их муухай, урам хугармаар үг хэлж, түүнээс нь болж сэтгэлээр унаж байсан.“Танил талаараа кинонд тоглочихоод их зан суучихсан” гэдэг ч юм уу. Гэхдээ одоо бол йим мэтийн сөрөг хандлага, үгсийг чихнийхээ  хажуугаар өнгөрүүлдэг болсон. Хэн нэгний үгнээс болжөдий болтол намайг дэмжсэн багш нар, анд найзууд, гэр бүл тэр тусмаа ээжийхээ урмыг хугалах зүйл хийж, шантарч болохгүй шүү дээ.

-Цаашдын зорилго, мөрөөдлөө хуваалцаач?

-Одоо ахлах сургуулиа сайн дүнтэй төгсөөд СУИС-д элсэж жүжигчин болно. Түүнчлэн салбартаа тэргүүлэх продакшн байгуулах, холливудын жүжигчин болно гэсэн мөрөөдөлтэй.