ӨНДГӨН ШОКОЛАДНЫ ТОГЛООМ ЦУГЛУУЛАГЧ Д.АНУЖИН: Өндгөн шоколадны сав надад ид шидтэй юм шиг санагддаг болохоор тоглоомыг нь цуглуулах дуртай

О. Эрдэнэтунгалаг:
Гэрэлт ирээдүй- Шинэ танил

2022-11-13, 1699

Хүн бүрд өөрийн гэсэн сонирхол, нандигнадаг цуглуулга бий. Цуглуулж буй зүйл нь нь тэдний хувьд хожим үлдэх дурсамж, хөрөнгө болдог билээ. Бид энэ удаад бяцхан цуглуулагч Д.Анужинг онцоллоо. Тэрбээр өндгөн шоколадны тоглоом цуглуулдаг гэнэ. Одоогоор 100 гаруй жижиг тоглоом цуглуулсан тэрбээр нэмээд жижиг машин сонирхон цуглуулж эхэлжээ.

-Сайн уу, өндгөн шоколадных нь цуглуулгын талаар ярилцахыг хүссэн юм. Хэдэн настайгаасаа жижиг тоглоом цуглуулж эхэлсэн бэ?

-Би одоо гуравдугаар ангид сурдаг. Дөрвөн настайгаасаа эхэлж өндгөн шоколадны тоглоом цуглуулж эхэлсэн. Одоо нэмээд өнгө өнгийн жижиг машин цуглуулж байгаа.

-Анх хэрхэн цуглуулж эхэлсэн юм бэ?

-Цэцэрлэгээ тараад аавтайгаа хамт дэлгүүр орж өндгөн шоколад аваад гэртээ ирээд задалж үзсэн. Тэгсэн өдөр анги дээр багшийн уншиж өгсөн үлгэрийн гүнж гараад ирлээ. Тэр үед надад үлгэр дээр гардаг шидэт сав шиг санагдсан. Ингэж л цуглуулж эхэлсэн дээ.

-Чиний цуглуулгыг хэн хамгийн их дэмжиж, өндгөн шоколад авч өгдөг вэ?

-Бүгд надад өндгөн шоколад авч өгдөг. Хамт задлах үедээ ямар тоглоом байгаа бол гэж ярилцаж, догдолдог. Энэ дундаас аав маань хамгийн их өндгөн шоколад авч өгдөг.

-Цуглуулгад нь хэдэн тоглоом байгааг тоолж үзсэн үү?

-Би тоолж үзээгүй удсан байна. Миний бодлоор бараг 100 гаруй өндгөн шоколадны тоглоом байгаа байх.

-Хамгийн хайртай, дурсамжтай тоглоом бий юү?

-Анх аавтай хамт авч байсан гүнжид их хайртай. Надад хамгийн хөөрхөн нь харагддаг юм. Гэхдээ би бусад тоглоомдоо ч гэсэн дуртай.

-Д.Анужин тоглоомуудаа хэрхэн цэвэрлэж, хадгалдаг вэ?

-Би тоглоомуудаа удаан хадгалахыг хичээдэг. Заримдаа миний зарим тоглоом алга болчихдог юм. Гэхдээ бүгдийн нь нандигнан хадгалдаг. Ээж бид хоёр бүгдийг нь усанд оруулж, тоосыг нь арчилдаг.

-Цуглуулгадаа нэмэхийг хүссэн тоглоом байгаа юу?

-Байхгүй тоглоом олон бий. Би ноён талхны үсчингийн газар, Консунийн, үлэг гүрвэлийн адал явдал хүүхэлдэйн киноны баатруудын тоглоомыг авмаар байна. Би авахын тулд сайн хайж байгаа.

-Жижиг машин цуглуулдаг гэсэн дээ. Энэ талаараа ярихгүй юу?

-Жижиг тоглоомын машин цуглуулж байгаа. Мөн өөрийнхөө зурсан зураг, уншсан үлгэрийнхээ номыг цуглуулж эхэлсэн. Өвөө намайг машин цуглуулж байгааг мэдээд модон тавиур хийж өгсөн. Мундаг байгаа биз дээ, миний өвөө.

-Цуглуулгатай байх ямар байдаг вэ. Юу нь чиний сэтгэлийг тэгж их татдаг юм бол?

-Үнэхээр гоё шинэ тоглоомтой болох бүрд сайхан мэдрэмж төрдөг. Тоглоом нэмэх бүрдээ нэг даалгавар биелүүлчихсэн юм шиг мэдрэмж авдаг. Гэр бүл минь дэмждэг учраас илүү сайхан байдаг.

Аавтай хамт тоглоом авч байх үеийн мэдрэмж бодлоос гардаггүй юм. Миний цуглуулсан тоглоом бүр өөрийн гэсэн дурсамжийг хадгалж үлдсэн болохоор илүү үнэ цэнтэй санагддаг.

-Найзууд нь чамайг цуглуулгатайг мэдэх үү, тоглоомуудыг нь хараад юу гэж хэлдэг вэ?

-Манай найзууд миний тоглоомуудыг харж байсан. “Ямар гоё юм бэ, Яаж ингэж цуглуулсан юм бэ. Би бас ийм олон тоглоомтой болмоор байна” гэдэг.

-Ирээдүйд ямар мэргэжилтэй хүн болох вэ. Мөрөөдөл нь юу вэ?

-Би ирээдүйд Монгол Улсынхаа нэрийг дэлхийд таниулсан мундаг зураач болно. Зурах миний хамгийн дуртай зүйл. Тэгээд алдартай зураач болчихоод хүн бүрийг эмчилдэг мундаг эмч болох болно.

-Баярлалаа. Амжилт хүсье.

-Баярлалаа, цуглуулгаа нэмчихээд та хэдийг дуудна аа.

ӨНДГӨН ШОКОЛАДНЫ ТОГЛООМ ЦУГЛУУЛАГЧ Д.АНУЖИН: Өндгөн шоколадны сав надад ид шидтэй юм шиг санагддаг болохоор тоглоомыг нь цуглуулах дуртай

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 8

Сэтгэгдэл үлдээсэн: 2022-11-18 19:35:02

Enkhbat : Amjilt2
Сэтгэгдэл үлдээсэн: 2022-11-11 20:54:23

Tsendmaa Dorjjantsan: Saihan egchiihee mundag ach ohind unduruus undur amjilt husie
Сэтгэгдэл үлдээсэн: 2022-11-11 17:14:39

С Хандсүрэн: Мундаг охин байна. Амжилтын дээдийг хүсэн ерөөе. Хөөрхөн юи аа амжилт
Сэтгэгдэл үлдээсэн: 2022-11-10 22:37:27

Э Анар Эрдэнэ: Энэ бол миний төрсөн дүү Ануужин дүүдээ өндөрөөс өндөр амжилт хүсе
Сэтгэгдэл үлдээсэн: 2022-11-10 19:20:05

үржинханд: мундаг хөөрхөн охинд амжилт хүсье
Сэтгэгдэл үлдээсэн: 2022-11-10 18:40:27

Эрдэнэтунгалаг: Ямар хөөрхөн юм бэ дүүдээ амжилт мундаг байна.
Сэтгэгдэл үлдээсэн: 2022-11-10 18:37:24

Enhtaivan : Hoorhon ymaa amjilt
Сэтгэгдэл үлдээсэн: 2022-11-10 17:38:01

Онон: Хайрт ач охиндоо хамгийн гэгээн бүхнийг хүсье. Сайн зураач болноо миний охин. Эмээ нь маш их хайртай шүү.

Шинэ мэдээ

Нийтлэлчид