• Өнөөдөр 2024-03-29

ТӨРСӨН ӨДӨР: Нууцлаг ертөнцөөрөө аялуулж байгаа А.Баяржавхланд төрсөн өдрийн мэнд хүргэе

2020-10-01,   2082

Баяржавхлан: Бид дахиад цэцэрлэгтээ ирэхгүй юм уу. Та хөөрхөн болОхоор би таныг санах байх даа
Багш: Тийм ээ, дахиад цэцэрлэгтээ ирэхгүй шүү дээ, одоо яана аа
Баяржавхлан: Та гэртэй юм уу
Багш: Гэртэй байлгүй яах вэ
Баяржавхлан: Танайх хаана байдаг юм бэ
Багш: Сүхбаатарын талбайг мэдэх үү, тэрний хажууд
Баяржавхлан: Хөдөө юм уу
Багш: Үгүй ээ, хотын төвд байдаг юм. Чи манайд ирэх юм уу
Баяржавхлан: Би машинтай очно оо. Эглэе гэж манай аавын машин байдаг юм. 

Энэ бол “Монгол HD” телевизийн “Таван настнуудын нууцлаг ертөнц” цуврал нэвтрүүлгийн бяцхан оролцогчдын нэг А.Баяржавхлан, түүний багш хоёрын хооронд өрнөсөн аминчхан яриа. Тэдний эл яриа цахим орчинд түгэж, мянга мянган үзэгчийн хайрыг татсан. 

Хорвоогийн бүхий л зүйлстэй өөрийнхөөрөө танилцаж яваа түүний бусадтай нээлттэй ярих яриа, заримдаа том хүн шиг нухацтай, хааяа дүрсгүй ч гэмээр үйлдэл, гэнэн цагаахан инээмсэглэл, охидод халамжтай, аливаад сэргэлэн зан бүхэн нь үзэгчдийг бүтэн улирал дэлгэцний өмнө уяатай байлгаж, өөрийнхөө нууцлаг ертөнцөөр аялуулсан билээ. Өнөөдөр түүний хорвоод мэндэлсэн баярт өдөр тохиож байна. Нэг нас нэмсэн А.Баяржавхлан энэ намар “Таван настнуудын нууцлаг ертөнц” нэвтрүүлгийн үргэлжлэл буюу “Зургаан настнуудын нууцлаг ертөнц” нэвтрүүлгээрээ мөн л үзэгчдийн хайрыг булааж буй юм. 

Эгчийн хайртай дүү, аав ээжийн амин үр, эмээ өвөөгийн бахархалт хүү А.Баяржавхланд Ergelt.mn сайтын ах эгч нараас нь, басхүү мянга, мянган үзэгчийнх нь өмнөөс төрсөн өдрийн гал халуун мэнд хүргэе. 


ТӨРСӨН ӨДӨР: Нууцлаг ертөнцөөрөө аялуулж байгаа А.Баяржавхланд төрсөн өдрийн мэнд хүргэе
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2020-10-01 19:56:22
    altanchimeg: Hoorhon huu shuu ireeduin zam ni gerel gegeetei baig
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188