Ардын багш Ш.Чоймаа агсны хүүхдүүд нь "Шаравын Чоймаа сан"-нг нээж байгаагаа мэдээллээ. Тус сангийн нээлтийн үйл ажиллагаа энэ сарын 20-нд МУИС-ийн хичээлийн I байранд болох юм.

       Түүний намтраас товч дурдахад, Ш.Чоймаа багш Говь-Алтай аймгийн Шарга суманд 1951 онд төржээ. Эцэг нь сургуульд орохоос өмнө кирилл үсгийг хэдхэн хоногт өөрөө сурчихаад, хүүдээ зааж өгч байжээ. Иймээс тэрбээр тоо боддог, уншдаг болчихоод анх сургуульдаа орсон байна. Шарга сумандаа дөрвөн жилийн сургуулиа төгсчихөөд, зэргэлдээх Төгрөг суманд очиж долдугаар ангиа дүүргэсэн гэдэг. Дараа нь Говь-Алтай аймгийн төвийн дунд сургуульд сурч арван жилээ 1971 онд төгссөн байна.

 Тэрээр:

• 1976-1980 онд МУИС-д багш, 1980-1983 онд БНАГУ-ын Хумьбольтын Их Сургуульд зочин багш профессор, 1983-89 онд МУИС-д багш, 1989-1992 онд Монгол хэлшинжлэлийн тэнхимийн эрхлэгч, 1992-1995 онд Германы Хумбольтын Их Сургуулийн зочин профессор.
• 1996-2000 онд МУИС-ийн Эх бичиг, Алтай  судлалын тэнхимийн эрхлэгч. 2000 оноос 2010 он хүртэл МУИС-ийн зөвлөх профессор.