-Сайн үйлсийн аянд иргэн, аж ахуйн нэгж, албан байгууллага, анги хамт олон тэргүүтэй 134 хүн нэгдсэн-

Төв аймгийн Жаргалант сумын иргэд нийлж, сумынхаа Эрүүл мэндийн төвд шинэ автомашин авч өгчээ. Тус сайн үйлсийн аяныг зохион байгуулсан “Жаргалантын хөгжил залуучуудын холбоо” ТББ-ын нарийн бичгийн дарга Л.Мандахцэцэгтэй ярилцлаа.

-Сайн байна уу. Танай холбооноос сайн үйлсийн аян зохион байгуулж, сумынхаа эмнэлэгт автомашин авч өгчээ. Уншигчдынхаа өмнөөс баяр хүргэе.

-Баярлалаа. Би хамт олноо төлөөлж ярьж байгаа гэдгээ онцолж хэлмээр байна. Би “Жаргалантын хөгжил залуучуудын холбоо” ТББ-ын нарийн бичгийн даргаар ажилладаг. Манай холбоонд Жаргалант сумын Эрүүл мэндийн төвийн сувилагч П.Батцэцэг эгч хандаж,  “Залуучуудын холбооноос аян зохион байгуулж, хүн эмнэлэгт автомашин авч өгвөл яах вэ” гэх санал тавьсан. Бид холбооныхоо гишүүдтэй ярилцаж, сумынхаа иргэдийг хамруулсан хандивын аян зохион байгуулж, түргэн тусламжийн автомашин авч өглөө.

П.Батцэцэг сувилагч олон жил ажиллаж байгаа учраас эмнэлгээ автомашинтай болгох сон гэж мөрөөдөж явсан юм билээ. Тэгээд л бидэнд хандсан байх. Бид зохион байгуулж өгсөн л болохоос түүний мөрөөдөл биелэлээ.

Энэ хүнд, хэцүү цагт суманд маань ганц тулгамдаж байсан зүйл нь яах аргагүй түргэний машин байсан юм. Яаралтай түргэн тусламжийн машин нь байнга эвдэрдэг, олон жил болчихсон учраас ашиглахад хэцүү болсон байна лээ. Ядаж байхад манай суманд коронавирус илэрч, өдөр болгон шахуу хүн, сорьц тээвэрлэж, Улаанбаатар явдаг болоод байгаа. Бид өнөөдөр (өчигдөр) сумынхаа Эрүүл мэндийн төвийн удирдлагуудад автомашиныг нь хүлээлгэж өглөө. П.Батцэцэг сувилагч олон жил ажиллаж байгаа учраас эмнэлгээ автомашинтай болгох сон гэж мөрөөдөж явсан юм билээ. Тэгээд л бидэнд хандсан байх. Бид зохион байгуулж өгсөн л болохоос түүний мөрөөдөл биелэлээ.

-Хандивын аяныг хэд хоног зохион байгуулсан бэ. Сумынх нь иргэд идэвхтэй хамрагдсан уу?

-Бид ярилцаад, дөрөвдүгээр сарын 13-ны 20:00 цагт хандивын аянаа эхлүүлсэн. Нэг хоногийн дараа буюу дөрөвдүгээр сарын 14-ний  20:00 цагт дансаа хаасан. Ердөө нэг хоногийн дотор иргэд, аж ахуйн нэгж, Жаргалант сумын ерөнхий боловсролын сургуулийг төгссөн төгсөгчид, албан байгууллагууд идэвхтэй хамрагдаж, 25.666.500 төгрөг цугларсан.

Ингээд 18.5 сая төгрөгөөр нь автомашин авч, үлдсэн мөнгийг нь эм, эмнэлгийн хэрэгсэл авахад зориулахаар эмнэлгийн захиргаанд өгсөн байгаа. Хандивын аянд 134 иргэн, аж ахуйн нэгж, албан байгууллага, анги хамт олон хамрагдсан байна лээ. Маш богино хугацаанд эвлэлдэн нэгдэж, сум орон нутгийнхаа төлөө хамтран ажилласан бүх хүнд талархсанаа холбооныхоо нэрийн өмнөөс хэлмээр байна. Яах аргагүй тулгамдаж байсан асуудал учраас иргэд маш идэвхтэй байлаа. Байгаа боломж бололцоогоороо л аянд нэгдэж, бусдыгаа уриалж байгаа харагдсан шүү. 

-Танай холбоо хэдэн гишүүнтэй вэ. Өмнө нь сайн үйлсийн аян өрнүүлж байв уу?

Анхны сайн үйлсийн аян нь энэ байлаа. Бид цаг сайхан болохоор сумандаа цэцэрлэгт хүрээлэнтэй болохоор төлөвлөөд байгаа

-Олон хүний хайр, итгэл, урам, зүтгэлээр нүд ирмэхийн зуурт л хандив цугларлаа. Дансны хуулгаа шалгаж амжихгүй шахам нэг өдөр өнгөрч, зорьсон ажлаа бид бүтээлээ. Манай холбоо 33 хүний бүрэлдэхүүнтэй. Бидний зарим нь Улаанбаатар, Төв аймагт байдаг ч байгаа газраасаа гар нийлж, идэвхтэй ажилласан. Цөмөөрөө л цахимаар давалгаалж, хүмүүсийг уриалсан. Манай холбоо байгуулагдаад гурван жил орчим болж байгаа. Сум, орон нутгийнхаа хөгжил дэвшилд залуучууд бид хувь нэмрээ оруулах  зорилготойгоор байгуулагдсан юм. Бид өмнө нь олон хүнийг хамарсан сайн үйлсийн аян зохион байгуулж байгаагүй. Анхны сайн үйлсийн аян нь энэ байлаа. Бид цаг сайхан болохоор сумандаа цэцэрлэгт хүрээлэнтэй болохоор төлөвлөөд байгаа.

-Эрүүл мэндийн төвийн жолооч нь илүү баярласан байх, тийм үү?

Бид хэдийгээр зохион байгуулсан ч бидэнтэй хамтарсан олон хүний сэтгэлд илүү их баярлаж байна. Цаашид ч ажиллах, сум орон нутгийнхаа хөгжлийн төлөө ажиллах залуучуудад урам болж өглөө.

            -Тийм ээ, биднээс илүү эмнэлгийн жолооч баярлаж байгаа байх. Тэр хүн олон жил машинаа засварлаж, өөрийнхөө хэмжээнд эрсдэлгүй, аюулгүй тээврээр хүмүүсээ тээвэрлэсэн шүү дээ. Одоо санаа зовох зүйлгүй ажлаа хийх болсон болохоор бид ч баяртай байгаа. Эрүүл мэндийн төвийн жолооч өчигдөр (уржигдар) коронавирусийн шинжилгээний сорьц тээвэрлээд Улаанбаатар хот руу явчихсан байж таарсан. Эмнэлгийн тусламж хэрэгтэй хүн болгон л олон хүний итгэл, зүтгэл, сэтгэлээр бий болсон автомашинд аюулгүй зорчих боллоо шүү дээ. Бүх хүн баярлаж, хүлээж авсан даа. Сумаараа нийлээд нэг том ажлын гард маш амжилттай гарсан болохоор манай холбооныхон ч баяртай байгаа. Бүтэх ёстой зүйл гэдэг чинь хэл дуулгахад л хангалттай байдаг юм байна. Бид хэдийгээр зохион байгуулсан ч бидэнтэй хамтарсан олон хүний сэтгэлд илүү их баярлаж байна. Цаашид ч ажиллах, сум орон нутгийнхаа хөгжлийн төлөө ажиллах залуучуудад урам болж өглөө.