УОК-оос хуралдааны шийдвэр танилцуулах үеэр чартер нислэгийн тасалбарын үнийг 10 хүртэлх хувиар хөнгөлнө гэж мэдээллээ. Энэ талаар Шадар сайд С.Амарсайхан “Гадаадад байгаа иргэдээ татан авах ажлыг зохион байгуулж, 250 ба түүнээс дээш суудалтай онгоцоор нийслэг үйлдэнэ. Энэ хүрээнд тизний үнэд тодорхой хэмжээний хөнгөлөлт үзүүлнэ. Тодруулбал, эх орондоо ирэх 10 мянган орчим иргэн байна. Тэдгээрээс 60 хувь нь БНСУ, азийн бусад орон, 1500-1800 иргэн Америк болон Европ, Африкийн орнуудаас ирэхээр байгаа. Гурав, дөрөвдүгээр сард 12-14 удаагийн нислэгээр иргэдээ үе шаттайгаар татаж авна. Ингэхдээ тийзийг 10 хүртэлх хувиар хөнгөлөх, нислэгийн суудлын тоог нэмэгдүүлэх буюу аль болох том онгоцоор нислэх үйлдэх бэлтгэл ханган ажиллаж байна. 

Мутацид орсон вирустай бүсээс ирж байгаа иргэд 14 хоног тусгаарлагдана

Ирж байгаа иргэдэд ямар тусгаарлалтын байранд, ямар орчинд байх вэ гэдгээ сонгож, тусгаарлах байрны сонголтыг гурван төрлөөр бий болгон, 10-14 хоног тусгаарлах нөхцөл бүрдүүлж байгаа. Мутацид орсон вирустай бүсээс ирж байгаа иргэд 14 хоног тусгаарлагдана. Харин харьцангуй аюулгүй орчноос ирж байгаа иргэдийг 10 хоног тусгаарлана. Мөн ДЭМБ-аас зөвшөөрөгдсөн вакцин хийлгэсэн иргэдийн гар утсанд аппликэйшн суулгаж өгнө. Цаашид гэрээр тусгаарлах, цахимаар зөвлөгөө өгөх, аль болох гэрийн орчинд тусгаарлах зохион байгуулалтууд хийгдэнэ. Гэрээр тусгаарлахдаа цахим технологиор иргэдээ хянаж, зөвлөмж, зөвлөгөө өгнө” гэв.