Авто тээврийн үндэсний төвөөс бүх нийтийн бэлэн байдлын зэргийг хоёрдугаар сарын 23-наас цуцалж байгаатай холбоотойгоор хот хоорондын нийтийн тээрийн үйлчилгээг эхлүүлэхээр болсон талаар мэдээлсэн. Тэгвэл УОК-оос хурлын шийдвэрийг танилцуулах үеэр Шадар сайд С.Амарсайхан “Ирэх гуравдугаар сар хүртэл хот хооронд зорчих хөдөлгөөнийг нээхгүй” гэж мэдээллээ.

Аж ахуйн нэгжүүдийн 95 хувь буюу 22 мянган байгууллагын үйл ажиллагааг нээж байгаатай холбоотойгоор халдвар хамгааллын дэглэм сахиулах, түүнийг хэвшүүлэх, аюулгүй байдлаа хангахад тодорхой хугацаа шаардлагатай

Тэрбээр “Хоёрдугаар сарын 23-наас хойш гуравдугаар сарын эх хүртэл хот хоорондын хөдөлгөөнийг нээхгүй. Учир нь аж ахуйн нэгжүүдийн 95 хувь буюу 22 мянган байгууллагын үйл ажиллагааг нээж байгаатай холбоотойгоор халдвар хамгааллын дэглэм сахиулах, түүнийг хэвшүүлэх, аюулгүй байдлаа хангахад тодорхой хугацаа шаардлагатай. Тийм учир орон нутаг, нийслэл хооронд зорчих хөдөлгөөнийг гуравдугаар сар хүртэл хязгаарласан хэвээр байлгана” гэв.