Хоёрдугаар сарын 23-ны 06:00 цагаас эхлэн хөл хорионы хатуу дэглэмийг бууруулж, хэвийн байдалд шилжих талаар УОК хуралдаж буй. Ирэх мягмар гарагаас буюу хөл хориог цуцалсан өдрөөс эхлэн аж ахуйн нэгж байгууллагын 95 хүртэлх хувь нь үйл ажиллагаа явуулж эхлэх юм. Тэгвэл хүүхдийн тоглоомын төв, цахим тоглоомын газар зэрэг таван төрлийн үйл ажиллагааг нээхгүй аж. Энэ талаар Шадар сайд  С.Амарсайхан “Ирэх мягмар гарагаас эхлэн бүх нийтийн бэлэн байдлын зэргийг бууруулж, нийт аж аухйн нэгжүүдийн 95 хувь хүртэлх хувийн үйл ажиллагааг нээж байна. Үүнд, үсчин, гоо сайхан, фитнес клуб, спорт заал, үзвэр үйлчилгээ, спорт заал гэх мэт дийлэнх үйлчилгээ багтана. 

Хүүхдийн тоглоомын төв, баар, цэнгээний газар, цахим тоглоомын газар, өргөтгөсөн үзэсгэлэн худалдаа, аялал зугаалга гэх мэт таван төрлийн үйл ажиллагааг эхний удаад нээхгүй

Ингэхдээ халдвар хамгааллын тодорхой дэглэмийг сахиулна. Харин хүүхдийн тоглоомын төв, баар, цэнгээний газар, цахим тоглоомын газар, өргөтгөсөн үзэсгэлэн худалдаа, аялал зугаалга гэх мэт таван төрлийн үйл ажиллагааг эхний удаад нээхгүй” гэв.