Монгол Улсын Дээд шүүхийн хяналтын шатны захиргааны хэргийн шүүхийн шүүх хуралдааны 127 дугаар тогтоолыг тоглоом мэтээр тохуурхан үл ойшоож, яг эсрэгээр эмнэлэг сувилалын үйл ажиллагаа бүгд хууль бус хэмээн мэдэгдэл хийж, цагдаа дагуулж эмч нар, эмнэлгийнхэн, хэвтэн эмчлүүлж байгаа өвчтэй хүмүүсийг айлгаж, хууль бусаар хүчирхийллийн аргаар олон түмэнд үйлчилдэг эмнэлэг сувиллыг булааж авснаа ингэж хүн гүтгэж, худал мэдээллээр далдлах гэж оролдож байна гэдгийг эмч нар хэлж байна.

      Тодруулбал, 2014 оноос хойш хууль бусаар төрийн өмчийг ашиглаж байсан гээд гүтгэлэг явуулаад байгаа нь Захиргааны хэргийн шат шатны шүүх, Улсын дээд шүүхийн шийдвэрт  үндэслэлгүй худал болохыг тодорхой тусгасан байна.  Энэ нь менежментийн гэрээнд 2011 онд хийгдсэн Аудитын шалгалт болон 2012 оны НӨХКомиссын 12 дугаар тогтоолын нэгдүгээр заалтад “Хангалттай” гэж дүгнэгдсэнээс хойш дахин, менежментийн гэрээний үр дүнд Аудит хийгдээгүй болохыг тодорхой заасан байдаг. Иймээс 2011, 2012, 2013, 2014 онд УАУЭСКТөвд Аудитын комисс оруулж, менежментийн гэрээг дүгнэсэн байдаг гэдэг нь огт үндэслэлгүй худал гүтгэлэг юм гэдгийг эмч нар онцлов.

     Богд уул сувилал нь Менежментийн хувьчлалын хүрээнд багтаж байгаа нэг хэсэг. Социализмийн үед ясны сүрьеэгийн эмнэлэг 40-өөд жил ажиллаж байгаад 10 гаруй жил эзэнгүй хаягдан, 1990-ээд онд балгас болон үлдсэн байсныг Нийслэлийн Засаг даргын 1998 оны А/88 захирамжаар шаардагдах засварын ажлыг гадна дотны эх үүсвэрээс олж хийхийг даалгасны дагуу төрөөс хамаарахгүй төсвийн бус эх үүсвэрээс хөрөнгө оруулалт олж, иж бүрэн их засвар хийсэн обьект. Хийсэн ажлын гэрээ, оруулсан хөрөнгө оруулалтыг Улсын комисс үнэлэн баталгаажуулж хүлээж авсан баримтууд нь байх ёстой газраа байгаа гэдгийг  Менежментийн багийн ахлагч 2025.04.28-нд УИХ-ын гишүүдэд хандсан ил захидалдаа тодорхой бичсэн байсан билээ.