Баянзүрх дүүргийн IV хороо "Наран" дэлгүүрийн гудамжинд эзэнгүй айлын гэр шатжээ. Тодруулбал, Нийслэлийн онцгой байдлын газарт өнөөдөр 15:47 цагт таван ханатай гэр шатаж байна гэх  дуудлага бүртгэгджээ. Дуудлагын дагуу Чингэлтэй дүүргийн Онцгой байдлын хэлтсийн гал түймэр унтраах, аврах 10 дугаар ангийн алба хаагчид шуурхай ажиллаж, галыг бүрэн унтраасан байна. Галын улмаас бэртэж, гэмтсэн хүн байхгүй бөгөөд тус айлын эзнийг тогтоохоор ажиллаж байгаа талаар Нийслэлийн Онцгой байдлын газраас мэдээллээ.