Баянзүрх дүүргийн хоёрдугаар хорооны тавдугаар хэсгийн нийтийн байрнаас халдвар илэрчээ. Тодруулбал, тус хэсгийн 71 дүгээр дэлгүүрийн эсрэг талын нийтийн байранд амьдардаг оршин суугчийн PCR шинжилгээний хариу эерэг гарчээ. Халдвар илэрсэн иргэн нь 48 дугаар сургуулийн шинжилгээний цэгт сайн дураараа очиж шинжилгээнд хамрагдсан байжээ. Мөн үүсвэр нь тодорхойгүй бөгөөд батлагдсан тохиолдлын ойрын хавьтал биш аж.

Одоогийн байдлаар тус хэсгийг цагдаагийн хамгаалалт аваад байгаа аж. Мөн тус нийтийн байранд 8-10 өрх амьдардаг гэх мэдээлэл байна. Түүнчлэн хоёрдугаар хорооны 2а, 2б, 5а, 5б, дөрөвдүгээр хэсгийн оршин суугчид маргааш хорооны Иргэний танхимд яаралтай ирж шинжилгээнд хамрагдахыг зөвлөжээ.