Хүүхдийн тусламжийн 108 утас нь улсын хэмжээнд хүүхдийн эрхийн зөрчлийн талаар хүүхэд залуучууд, иргэд байгууллагаас ирсэн дуудлага мэдээллийг 24 цагаар хүлээн авдаг. Ингэхдээ сэтгэл зүйн зөвлөгөө, зөвлөмж, хүүхдийн эрхийн зөрчилд нийгмийн халамжийн үйлчилгээнд холбон зуучлах,  хүүхдийн амь нас, эрүүл мэндэд онц ноцтой тохиолдолд яаралтай тусламжийн үйлчилгээ үзүүлэх төрийн үйлчилгээнд холбон зуучилдаг юм.

108 утас 24 цагаар дөрвөн шугамаар дуудлага хүлээн авдаг байна. Тодруулбал, мэргэжлийн сэтгэл зүйч, нийгмийн ажилтан дөрвөн оператор 108 утасны дуудлага хүлээн авч, шаардлагатай мэдээлэл зөвлөгөө өгч ажилладаг. Гэр бүл, хүүхэд залуучуудын хөгжлийн газрын харьяа 108 утсанд  өнгөрсөн оны арваннэгдүгээр сарын 11-нээс өнөөдрийг хүртэл 2005 дуудлага мэдээлэл ирсэн байна. Үүнээс  хүнсний дэмжлэг хүссэн 1098 дуудлага, гэр бүлийн хүчирхийллийн шинжтэй 263, хүүхдийн эрхийн зөрчилтэй холбоотой 491, сэтгэл зүй, хууль зүйн зөвлөгөө мэдээлэл хүссэн 28, бусад дуудлага 125 байна. Нийслэлийн хэмжээнд 11 түр хамгаалах байр ажилллаж байгаа. Чингэлтэй, Сүхбаатар, Хан-Уул дүүргмйн Гэр бүл, хүүхэд залуучуудын хөгжлийн хэлтсийн дэргэд түр хамгаалах байр үйл ажиллагаа явуулж байна. Өнөөдрийн байдлаар эдгээр байранд 30 хүн үйлчилгээ авч байгаа. Бусад түр хамгаалахад байранд 55 хүн үйлчилгээ авч байна.