Өнөөдрөөс үйл ажиллагааг нь нээж байгаа ААН-үүдэд тавих шаардлага болон дараагийн ээлжид нээгдэх бүх төрлийн барааны худалдаа эрхлэгчдэд өгөх зөвлөмжийн талаар НМХГ, Захирагчийн ажлын алба, Нийслэлийн мэдээлэл технологийн газраас хамтран мэдээлэл хийлээ.НОК-ийн шуурхай штаб дээр нэгтгэсэн мэдээллээр халдварын тархалт, эрүүл мэндийн асуудал чухал байгаа. Өнөөдрөөс 14 байгууллагын үйл ажиллагааг нээнэ. Хугацаа заахгүй, дараагийн ээлжний байгууллагуудыг нээхээр судалгаа хийж байгаа.

Захирагчийн ажлын алба: Нийслэлд есөн ангилалын 62 төрлийн үйл ажиллагаа явуулж байна. 35 төрлийн үйл ажиллагаа хаагдсан. Цанын баазууд, цахилгаан бараа, ТҮЦ, тавилгын дэлгүүрүүд нээгдэж байна. Эдгээр байгууллагууд дээр НОК-ын даргын баталсан журмыг баримталж үйлчлүүлнэ. Тэр тусмаа QR код заавал уншуулах ёстой. Бүх дүүрэг үйл ажиллагаа явуулж байгаа байгууллагууд дээрээ ажлын хэсэг гарган хяналт, шалгалт хийж байна. 

НМХГ: Нийслэлийн хэмжээнд 157000 гаруй цэг дээр QR код байршуулан цагдаа, дүүргүүдийн ажлын алба шалгаж байгаа. Зах худалдааны 26 төвөөр шалгалт хийхэд 56 зөрчил илэрсэн. Шаардлага биелүүлэхгүй зөрчил их байна. Зах худалдааны төв ариун цэвэр сахихгүй, хүн бөөгнөрүүлж байна. Байгууллагууд QR код байршуулсан ч иргэдээр уншуулахгүй, гар ариутгагчийг байрлуулаагүй зөрчил гарсан. Зөрчил гаргаж байгаа байгууллагуудыг торгоно гэлээ.