ХӨСҮТ-ийн тандалт, судалгааны албаны дарга А.Амбасэлмаа “Улсын хэмжээнд коронавирусийн 1526 тохиолдол бүртгэгдсэнээс  699 нь Улаанбаатарт бүртгэгдэж, дотоодын   халдвар 1025 боллоо. Халдвартай иргэдээс 967 хүн буюу 63.4 хувь нь эдгэрсэн. Сүүлийн 24 цагт 20 хүн эдгэрч, гэртээ гарсан. ХӨСҮТ-д хөнгөн 200, хүндэвтэр 24, хүнд гурав, маш хүнд нэг хүн эмчлэгдэж байна. Цэргийн төв эмнэлэгт хөнгөн 74, хүндэвтэр 13, хүнд хоёр, маш хүнд нэг, нийт 90 хүн эмчлүүлж байна. Хан-Уул дүүргийн 300 ортой эмнэлэгт 225 хүн ажиглалт, тандалтад байгаа” гэлээ.