ЭМЯ-наас коронавирусийн тархалтын талаарх ээлжит мэдээллээ хийлээ. Энэ үеэр ХӨСҮТ-ийн тандалт, судалгааны албаны дарга А.Амбасэлмаа “Өнгөрсөн 24 цагийн хугацаанд 9115 хүнд шинжилгээ хийсэн. Үүнд есөн хүнээс халдвар илэрсэн.  Батлагдсан тохиолдол нь 25 дугаар эмийн сангийн автобусны буудал дахь  “Монос” эмийн сангийн батлагдсан тохиолдлын гэр бүлийн хавьтал болон тухайн үед засвар хийж байсан хоёр хүн, БЗД-ийн ТҮК-ийн гурван ажилтан. Улаанбаатар хотод коронавирусийн 699, улсын хэмжээнд 1526 тохиолдол бүртгэгдлээ. Өнөөдрийн байдлаар 967 хүн эдгэрч, 548 хүн эмчлэгдэж байна” гэлээ.