Гадаад харилцааны сайд Н.Энхтайван НҮБ-ын Суурин зохицуулагч Т.Мишраг өчигдөр хүлээн авч уулзав. Уулзалтын үеэр Монгол Улс НҮБ-д элссэний 60 жилийн ойн хүрээнд хийх ажлууд болон Тогтвортой хөгжлийн төлөөх олон талын оролцоотой платформ байгуулах талаар санал солилцов. 20 жилийн өмнө буюу 2001 оны нэгдүгээр сарын 14-нд зудын гамшгийн хор уршгийг арилгахад НҮБ-ын албан ёсны үнэлгээ хийх зорилготой хүмүүнлэгийн үйлсэд оролцож яваад Увс аймгийн Малчин суманд болсон МИ-8 нисдэг тэрэгний ослоор амь үрэгдсэн хүмүүсийн гэгээн дурсгалыг хүндэтгэж байгаагаа талууд илэрхийлсэн байна.