Эрүүл мэндийн яамнаас мэдээлэл хийх үеэр Эргэлт.мн мэдээллийн сайтаас дараах асуултыг асуулаа.

-Өнгөрсөн арванхоёрдугаар сарын 29-нд Баянзүрх дүүргийн II хороонд байрлах 28/5 дугаар байранд сэжигтэй тохиолдол илэрч, нэгдүгээр сарын 2-нд батлагдаж, тус байрны нэгдүгээр орцыг хамгаалалтад авсан байна. Гэтэл өнөөдрийг хүртэл тус байрны иргэдийн шинжилгээний хариу гараагүй байгаа. Тусгаарлагдсан иргэдийг хэзээ чөлөөлөх вэ. Хоёрдугаар орцыг нь мөн ариутгаж, халдваргүйжүүлээгүй. Иргэдээс шинжилгээ аваагүй гэж байна. Энэ талаар тодорхой мэдээлэл өгөөч?

-Өнгөрсөн сарын 28, 29-нд батлагдсан тохиолдол болон хоёрдогч хавьтлыг асууж байна. Хоёрдогч хавьтлыг 14 хоног тусгаарлана. Шинжилгээг нь НЭМГ-аас авч байгаа. Шинжилгээний хариуг "Гэрэг" гэдэг программд оруулж гар утсанд мессеж илгээж байгаа. Хоёрдогч хавьтагчийг 14 хоног тусгаарлаж  хяналтандаа авч байгаа. 

-Ариутгал халдваргүйтлийн бодист ямар бодис хэрэглэж байгаа вэ. Орон нутагт гурван тэрбум төгрөг төсөвлөсөн гэсэн мэдээлэл байна. Үүнийг хэрхэн зарцуулсан талаар тодорхой мэдээлэл өгөөч?

-Ариутгал халдваргүйтлийн бодисыг хэрэглэхдээ халдварт өвчин бүрт тохирсон бодис хэрэглэдэг. Вирусийн хувьд спиртэн суурьтай бодис, ариутгал хийхдээ жавелин болон хлор суурьтай бодисыг хэрэглэдэг. Улсын бүртгэлд бүртгэгдсэн бодисууд байгаа. Аймгуудад хэдэн төгрөг зарцуулсныг сайн мэдэхгүй байна.

-Жолооч Д болон "Энхсаран" сувиллын өвчтөнүүд бүрэн эдгэсэн үү?

-Жолооч Д болон "Энхсаран"-гийн голомтыг хяналтанд авч, эдгэсэн. Өмнөх голомтуудын голомтыг таслан зогсоосон гэж үзэж байна. "Мөнххада", "Ачтан-Элит клиник", Баянзүрх дүүрэг, гэр бүлийн голомтууд байна. "Мөнххада"-гийн голомт тогтоогдсон. Өмнө нь халдвар авсан хүний ойрын хавьтал болж таарсан.