Нөөцийн махны хүртээмжийг нэмэгдүүлэх зорилгоор энэ амралтын өдрүүдэд нийслэлийн 9 дүүргийн 34 байршилд өргөтгөсөн худалдааг зохион байгуулж байна.

   Өргөтгөсөн худалдаагаар хонины гулууз махыг нэг килограммыг нь 8300 төгрөгөөр борлуулж байгаад иргэд сайшаалтай байна. Учир нь жижиглэнгээр савласан хонины нөөцийн махыг өргөтгөсөн худалдаанаас бусад өдрүүдэд 8600 төгрөгөөр борлуулдаг бол амралтын өдрийн өргөтгөсөн худалдаагаар хямдралтай бөгөөд хонины бүтэн мах худалдан авах давуу талтай юм. Амралтын өдрүүдэд өргөтгөсөн худалдаа зохион байгуулах байршлын мэдээллийг хүргэж байна.