• Өнөөдөр 2025-11-17

"Дусал цус дүүрэн амьдрал-2" аяны хүрээнд 10 мянга гаруй хүний амь аварчээ

2023-04-20,   465

                 “Дусал цус дүүрэн амьдрал-2” аяны нээлтийг АШУҮИС-ийн “Оюутны эко” цогцолборт хийлээ. Тус сургууль 2021-2022 оны хичээлийн жилээс чадвартай сайн эмч мэргэжилтэн бэлтгэн гаргахын зэрэгцээ тэднийг зөв сайн хүн байхад чиглүүлсэн ”Оюутны хөгжил” хөтөлбөрийг хэрэгжүүлж буй. Энэхүү хөтөлбөрийн хүрээнд “Дусал цус-Дүүрэн амьдрал” авлагагүй, сайн дурын цусны донорын аяныг санаачлан ЦССҮТ-тэй хамтран хэрэгжүүлсэн.

        Аянд төрийн өмчийн зургаан их сургуулийн 3818 багш, ажилтан, оюутныг хамруулан 1067 литр цус цуглуулсан нь арван мянга гаруй хүний амийг аварч, цусны нөөцийг хоёр дахин нэмэгдүүлсэн түүхэн амжилт болсон юм. Оюутан залууст эх оронч үзлийг төлөвшүүлэх, нийгмийн идэвх оролцоог нэмэгдүүлэхийн хамт хүмүүнлэгийн үйлсийг дэлгэрүүлэх зорилго бүхий энэхүү аянд төрийн болон хувийн хэвшлийн 18 их, дээд сургууль нэгдээд буй юм.

     Аяны нээлтэд АШУҮИС, ЦССҮТ, ДХИС, ХААИС, ШУТИС, “Ач” АУИС, “Этүгэн” их сургууль, ИЗОУИС, ОУЭЗБИС, МҮИС, МУИС-ийн удирдлага,Оюутны хөгжил удирдлагын газар, Оюутны холбоо, сайн дурын улаан загалмайчид оролцов. Энэ удаагийн аяныг “Этүгэн” их сургууль түүчээлэхээр шилжин явах цом зургийн цомог, хүндэтгэлийн дэвтрийг хүлээн авлаа.
“Этүгэн” их сургуулиас эхэлсэн “Дусал цус дүүрэн амьдрал-2” аян өнөөдрийн байдлаар долоон их, дээд сургууль дээр 12 өдөр үргэлжилж 1128 нэгж цус цуглуулсан үр дүнтэй байна. Аян ХААИС, ШУТИС-д үргэлжлэх юм.

"Дусал цус дүүрэн амьдрал-2" аяны хүрээнд 10 мянга гаруй хүний амь аварчээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.