Засгийн газрын Хэрэг эрхлэх газрын дарга асан Ц.Нямдоржоос сүүлийн үед үүсээд байгаа нөхцөл байдлын талаар сэтгүүлчид мэдээлэл авлаа. Тэрбээр “Б.Содномдаржаа, Т.Чимгээ нарыг хэлмэгдэж байхад Ардчилсан намынхан засаглаж байсан. Хэн нь ч хүний эрх ярилгүй шоронд хийж, С.Зориг агсны гэргий Булганыг шүүх хуралд оролцуулаагүй нь хэлмэгдүүлэлтийн эхлэл байсан. Би улс төрд зоргоороо байсан. Гэхдээ Монголд ардчиллыг нутагшуулахын төлөө тэмцдэг байсан. Өнөөгийн Ардчилсан намыг хар даа. Ийм нам байдаг юм уу. Ардчилсан намын асуудал Монголын асуудал гэж зөндөө хэлж, захиж байсан. Хүү бид хоёр Д.Мөнх-Эрдэнэд зөндөө доромжлуулж, их тэвчсэн. Гэхдээ гурван нялх хүүхдийг нь бодоод гомдол гаргаагүй. Өнгөрсөн хугацаанд нэг ч хүнд гомдол гаргаж үзээгүй шүү” гэлээ.