Засгийн газрын Хэрэг эрхлэх газрын дарга асан Ц.Нямдоржоос сүүлийн үед үүсээд байгаа нөхцөл байдлын талаар сэтгүүлчид мэдээлэл авлаа. Тэрбээр “Тавантолгой” ХК-д очсон хүн бүр хэрэгтэн болчихоод байна. 2004 оноос “Тавантолгой” ХК-ийг улс төрийн зорилгоор ашиглаад 20-иод жил болж байна. “Тавантолгой” ХК-ийг тойрсон улс төр, шунал, эрх мэдэлтнүүд улсын аминд хүрэх нь. Үүнийг би байнга ярьдаг байсан. Нүүрсний асуудал 2019 оноос хойш төмөр зам барьсантай холбоотой. “Тавантолгой” ХК-тай холбоотой асуудлаар Х.Баттулгыг сайд байх үед нь үгээ хэлж, Ерөнхий сайдад нь захидал бичиж байсан. Энэ асуудлын талаар зургаан жил ганцаараа ярьсан. Хэн ч тоогоогүй” гэлээ.