Манай улсын эрдэмтэд вакцины гуравдугаар тун тарихаар судалж байгаа аж. Гамшгийн эрсдэлийг бууруулах үндэсний зөвлөлийн хуралдааны үеэр Эрүүл мэндийн сайд С.Энхболд “Наймдугаар сарын сүүлчээр вакцины гурав дахь тун хийхээр төлөвлөж байгаа” талаар дурдсан. Одоогийн байдлаар судалгааны ажил хэрхэн үргэлжилж байгаа талаар Эрүүл мэндийн яамны Хэвлэл мэдээлэл, олон нийттэй харилцах зөвлөх Б.Ууганбаяраас тодрууллаа.

    Тэрбээр “Монголын эрдэмтэд бидний тариулсан дөрвөн төрлийн вакциныг хооронд нь харьцуулж хамгийн үр дүнтэй вакцинаар тарих ерөнхий чиг баримжаатай байна. Одоогоор Бахрайн, Бутан, Канад, Итали, Өмнөд Солонгос, Тайланд, АНЭУ зэрэг улс вакцины гуравдугаар тун хийхээр төлөвлөж байгаа" гэлээ.