• Өнөөдөр 2025-07-23

85410 тун “Pfizer” болон 81 хайрцаг “AstraZeneca” вакцин авчирчээ

2021-07-01,   558

      Манай улс 12-17 насны хүүхдүүд болон жирэмсэн, хөхүүл хүүхэдтэй эхчүүд, архаг суурь өвчтэй иргэдэд коронавирусийн эсрэг “Pfizer” вакцин тарьж буй. Уг вакцины нөөц өчигдөр 85410 тунгаар нэмэгдлээ.

   Тодруулбал,  өчигдөр орой МИАТ ТӨХК-ийн JU-1021 бүртгэлийн дугаартай Boeing-767 агаарын хөлгөөр ачаа тээврийн тусгай нислэг үйлдэж, 15 хайрцаг 455 кг 85410 тун Pfizer вакцин, 81 хайрцаг 1640 кг БНЭУ-ын Серум институтын Covishield /AstraZeneca/ вакцин болон ЭМЯ-ны захиалгат 3000 кг оношлуур, эм эмнэлгийн хэрэгслийг тус тус тээвэрлэн авчирсан байна.

      НҮБ-ын Хүүхдийн Сангаас мэдээлснээр Pfizer/Comirnaty/ вакцины эхний ээлжийн 84,240 тун вакциныг зургаадугаар сарын 16-нд, хоёр дахь ээлжийн 85,410 тунг зургаадугаар сарын 23-нд хуваарийн дагуу тус бүр хүлээн авсан бөгөөд үлдсэн хэсэг нь 2021 оны хоёрдугаар хагаст ирэх юм.

     Монгол Улсын Засгийн газар ба Pfizer Inc (Pfizer/Biontech) компанийн хооронд байгуулсан гэрээний хүрээнд нийлүүлэх 2.5 сая Pfizer/Comirnaty/ вакцины гурван удаагийн татан авалтаар эхний 255,060 тунг ийнхүү хүлээн авлаа.

НҮБ-ын Хүүхдийн Сан болон Япон Улсын ЭСЯ хооронд гарын үсэг зурсан “КОВИД-19 цар тахал болон нийгмийн эрүүл мэндийн онцгой байдлын үеийн чадавхыг бэхжүүлэх” төслийн гэрээний дагуу Японы засгийн газрын буцалтгүй тусламжаар санхүүжүүлж, НҮБ-ын Хүүхдийн Сан хэрэгжүүлж байгаа билээ.


85410 тун “Pfizer” болон 81 хайрцаг “AstraZeneca” вакцин авчирчээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.