С.Цэвээн төрийн ордны гадаа зөрчигдсөн эрхээ сэргээлгэхийн тулд 23 дахь өдрөө сууж байна. Өнөөдөр түүнтэй Хууль зүй, дотоод хэргийн сайд Х.Нямбаатар уулзахаар яам руу авч явлаа. С.Цэвээний хань 1990 онд Сүхбаатар аймгийн Эрдэнэцагаан суманд онгоцны осолд орсон. Уг ослоор 30 хүн нас барсан юм. Түүний хань тухайн үеийн Дотоодын дээд сургуулийн Улс төрийн хэлтсийн даргаар ажилладаг байжээ. Гэтэл түүний хүүхдүүд өөр хэргээр шүүхийн байгууллагад хандаж, хуулийн зөвлөгөө авах шаардлагатай болжээ. Тиймээс охин нь аавынхаа ажиллаж байсан газраас хуулийн зөвлөгөө авахаар очтол захирал нь “Танай аавд нэг сая төгрөг өгсөн. Мөн бусад төрлийн тусламж өгсөн байх ёстой. Хилийн цэргийн архивын газарт очоод шүүлгээрэй” гэсэн байна.

      Энэ хэргийн талаар үргэлжлүүлэн шалгатал түүнд 1990 онд 700.000 төгрөг, 1993 онд 2000 төгрөгийн нөхөн олговор олгосон байсныг 30 орчим жилийн дараа мэджээ. Тус хэргийн шүүх хурал тавдугаар сард болсон. Тус хурлаар түүний мөнгө, тусламж үйлчилгээ авсан нь тогтоогдоогүй байхад хэргийг хаасан байна. Тиймээс иргэн С.Цэвээн тус хэргийн талаар  Хууль зүй, дотоод хэргийн сайд болон УИХ-ын дарга Занданшатар нарт хандаж, санал хүсэлтээ хүргүүлсэн аж.