38 дахь жилдээ болж буй “Болор цом“ наадамд яруу найрагч О.Цэнд-Аюуш түрүүллээ. Найрагч 12 дахь жилдээ "Болор цом" наадамд оролцсон билээ. 

     Тэрбээр баярын сэтгэгдлээ илэрхийлэхдээ “Болор цомын эзэн болох өдөр ирнэ гэж боддог байсан. Эх орон, Эрдэнэ хайрхан, ижийдээ баярлалаа. Зээ хүүгээ арагт үүрч өсгөсөн эмээдээ баярлалаа. Тал нутгийн хоньчин хүүг "Болор цом"-ын эзэн хэмээн хүндэтгэж байгаа та бүхэнд баярлалаа. Өдий зэрэгтэй яваа минь агуу их Арлааны Эрдэнэ-Очирын ач шүү, танд баярлалаа. Энэ танхимд би таныг байгаа байх гэж бодож байна” хэмээсэн юм.