Монголын иогчдын холбооны 2025 оны ажлын төлөвлөгөөний дагуу хөдөө орон нутагт хийх "Иогийн танилцуулах хичээл”-ийг Дархан-Уул аймгийн Шарын гол сумын ерөнхий боловсролын сургууль, нутгийн иргэдэд амжилттай хүргэлээ.

“Эрүүл монгол хүн” үндэсний хөтөлбөрийн хүрээнд орон нутгийн иргэдэд эрүүл мэнд, сэтгэл зүйн тайвшрал, амьдралын зөв дадалд дэмжлэг үзүүлэх зорилгоор энэ үйл ажиллагаа хийгдэж байгаа юм.

    Шарын гол сумын 2 дугаар сургуулийн дунд, ахлах ангийн 120 гаруй сурагчид “Эрүүл мэнд, сэтгэл зүйн тайвшрал, гэр бүлийн эерэг харилцаа, үе тэнгийнхэний дээрэлхэлт, ялгаварлан гадуурхалтыг зогсоох, бусдыг ойлгох, хүндлэх, хайрлах, энэрэх, өөртөө итгэлтэй зөв хүн болж төлөвшихөд чиглэсэн мэдлэг” олгох сургалтад хамрагдлаа.

    Мөн нутгийн иргэдэд Найрамдал төв талбайд иогийн дасгал, спорт зааланд "СТРЕСС МЕНЕЖМЕНТ" лекц сургалт болон иогийн дасгал, бясалгалын хичээлийг хүргэж тус арга хэмжээнд 150 гаруй иргэд оролцлоо.

Арга хэмжээнд:

Монголын Иогчдын Холбооны удирдах зөвлөлийн гишүүн С.Халиунаа

Лотус иогийн сургуулийн багш Ж.Оюунцэцэг

Дархан-Уул аймгийн Lily иогийн төвийн багш Ч.Гэрэлтуяа

Дархан-Уул аймгийн Уран студийн уран нугаралт, иогийн багш О.Энхсайхан.

Дархан-Уул аймгийн Амьдрах урлаг иог бясалгалын багш Д.Мягмардулам

Дархан-Уул аймгийн нийтийн биеийн тамирын арга зүйч Б.Золзаяа нар хамтран оролцлоо.