Монголын хөнгөн атлетикийн холбооний өсвөр үеийн 14-15, 12-13 насны улсын аварга шалгаруулах тэмцээн эхэллээ. Энэ удаагийн УАШТ-д 17 байгууллагын 350 гаруй тамирчин оролцож байна. Дархан-Уул аймгаас 26 тамирчин оролцож байгаа. Тэмцээнтий эхний өдөр 14-15 насны 100 м-ийн зайн гүйлтэд “Оюуны-Ирээдүй” цогцолбор сургуулийн сурагч Г.Анударь алтан медаль хүртэв.

       Мөн 12-13 насны 400 м-ийн гүйлтэд “Оюуны-Ирээдүй” цогцолбор сургуулийн сурагч Н.Нарансолонго  алтан медаль, 14-15 насны 400 м-ийн зайд “Оюуны- Ирээдүй” сургуулийн сурагч А.Цэлмүүн хүрэл медаль авлаа. Харин 12-13 насны уртын харайлтад “Оюуны-Ирээдүй” сургуулийн сурагч Б.Мөнх-Очир хүрэл, 12-13 насны 400 м-ийн гүйлтэд “ОИЦ” сургуулийн сурагч Э.Мөнхтөр хүрэл, 14-15 насны уртын харайлтад “Од” цогцолбор сургуулийн сурагч Г.Номин-Эрдэнэ алтан медалт авав.

     Үүнээс гадна 12-13 насны 800 м-ийн гүйлтэд 4-р сургуулийн сурагч Амина алтан медаль, 12-13 насны 3000 м-ийн гүйлтэд  4-р сургуулийн сурагч Б.Батцэцэг мөнгөн медаль, 12-13 насны 3000 м-ийн гүйлтэд 4-р сургуулийн сурагч Хосбаяр хүрэл медаль, 12-13 насны 100 м-ийн гүйлтэд  8-р сургуулийн сурагч Д.Төртогтох  мөнгөн медаль, 14-15 насны уртын харайлтад  8-р сургуулийн сурагч Ган-Эрдэнэ алтан медаль тус тус хүртлээ.