Хятадын Чиндао хотод  жүдо бөхийн “IJF”-ийн цуврал “Чиндао-2025 Гран при” тэмцээний хоёр дахь өдрийн тэмцээн эхэллээ.  Өнөөдөр эрэгтэйчүүдийн 73, 81 кг, эмэгтэйчүүдийн 63, 70 кг-ын жингийн урьдчилсан шатны барилдаанууд явагдаж байна. Үдээс хойш 17:00 цагаас финалын барилдаан болно.

ЭМЭГТЭЙЧҮҮДИЙН 63 КГ-ЫН ЖИНД:

     Эмэгтэйчүүдийн 63 кг-ын жинд 15 тамирчин байна. Манай улсаас МУГТ Л.Энхрийлэн “D” хэсгийн нэгдүгээр тойрогт Өмнөд Солонгосын SHIN Chaewon-той барилдаж ялалт авсан. Улмаар “D” хэсгийн аваргын төлөөх барилдааныг Словенийн Kaja KAJZER-тай хийж ялсан байгаа. Одоо дөрөвний нэгийн шигшээ барилдаанд Хойд Солонгосын  KIM Ji Hye-тэй барилдана.

ЭРЭГТЭЙЧҮҮДИЙН 73 КГ-ЫН ЖИНД:

     Эрэгтэйчүүдийн 73 кг-ын жинд 25 тамирчин байна. Манай улсаас Д.Будсүрэн “А” хэсгийн нэгдүгээр тойрогт Казахстаны Kuan  BARYS-т ялагдаж тэмцээнээ  өндөрлүүлсэн. Энэ жинд Л.Энхдөл “С” хэсгийн нэгдүгээр тойрогт Туркийн  Ejder TOKTAY-д ялагдсан.

ЭРЭГТЭЙЧҮҮДИЙН 81 КГ-ЫН ЖИНД:

      Эрэгтэйчүүдийн 81 кг-ын жинд 17 тамирчин байна. Манай улсаас О.Шинэбаяр “D” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Өмнөд Солонгосын LEE Junseong-той ялагдаж, тэмцээнээ өндөрлүүлэв.