Тулааны спортын "Nomadia fighting Championship" олон улсын тэмцээнийг “UB Arena”-д зохион байгуулах гэж байна. Тус талааы тэмцээнийг зохион байгуулагчид өчигдөр мэдээлэл хийсэн. Энэ удаагийн тэмцээнийг холимог тулааны олон холбоод нэгдэн хийхээр болсон байна. Тулааны спортын дөрвөн төрөлт болох “ММА”, кикбокс, муай тай, сабмишин грапплингийн олон улсын тэмцээн манай улсад анх удаа зохиогдох гэж байгаа аж.

     Тулааны тэмцээн энэ сарын 27-ны өдөр болох юм.  "Nomadia fighting Championship" тэмцээнд Монгол, Тайланд, Узбекистан, Казахстан, Киргизстан, Австрали, Украйн зэрэг орноос тулаанчид ирэхээр болжээ. Нийт есөн тулаан болохоор төлөвлөсөн байна. Энэ удаагийн тэмцээний оргил тулаанд холимог тулааны тамирчин, боксын Азийн аваргын мөнгөн медальт, ОУХМ М.Нандин-Эрдэнэ “NFC” холбооны хамгийн анхны аваргын бүсний төлөө кикбоксын төрлөөр Тайланд Улсын тамирчин Танавит Ликиттэй тулалдах гэж байна.

      Тулаан олон улсын дүрмээр явагдана, тэмцээнийг тусгай зэрэглэлтэй шүүгчид шүүнэ.  Тулаан спортын “NFC” холбооны гол тулаан дэлхийн олон улсын Тайланд. Казахстан, Австрали гэх мэт зодооны төрлөөр дагнасан тамирчид ирж өрсөлдөх болсон нь Монгол Улсын чансааг тодорхойлоход гол онцлог болох ажээ. Мөн олон улсад чансаатай сайн тамирчдыг урьж авчирч Монгол Улсынхаа тамирчинтай өрсөлдүүлснээр дэлхийд танигдах боломжтой гэдгийг тэмцээн зохион байгуулагчид онцоллоо.