Улсын онцгой комиссоос гамшгийн зэрэглэлийг бууруулах асуудлаар өнөөдөр 14:00 цагт хуралдсан. Уг хуралдаанаас гарсан шийдвэрийг танилцуулж байна.

Гуравдугаар сарын 10-наас танхимын хичээлийг үе шаттайгаар нээнэ

Шадар сайд С.Амарсайхан “УОК-оос цар тахлын үеийн зохион байгуулалт, бодлого шийдэл гаргаж, шаардлагатай үйл ажиллагаа, арга хэмжээ хэрэгжүүлж ажиллаж байгаа. Хоёрдугаар сарын 23-наас вакцинжуулалт хийгдэж эхэлнэ. Мөн хөл хориог цуцалж, амьдралын хэвийн байдалд шилжихтэй холбоотойгоор аж ахуйн нэгж байгууллагууд тодорхой журам мөрдөж ажиллана. Энэ хүрээнд аж ахуйн нэгж байгууллагын 95 хувь нь үйл ажиллагаагаа явуулж эхэлнэ. Мөн гуравдугаар сарын 10-наас танхимын хичээлийг үе шаттайгаар нээнэ” гэв.