Манай улс коронавирусийн эсрэг вакциныг энэ сарын 22-ноос оруулж ирэх талаар бэлтгэл ажил хангаж буй. Эхний ээлжинд нийт хүн амын 20 хувь буюу 690 гаруй мянган хүнийг дархлуужуулахаар төлөвлөөд байна. Тэгвэл “Ковид-19” халдварын эсрэг вакцин авч, хүн амаа дархлаажуулах ажилд 226 тэрбум төгрөг зарцуулахаар болжээ.

Энэ талаар Эрүүл мэндийн сайд С.Энхболд “2021 онд багтаж Монгол Улс нийт хүн амынхаа 60 хувьд тус бүр хоёр тун вакцин хийнэ гэсэн төлөвлөгөө гаргасан. Засгийн газраас вакцинжуулалттай холбоотой 226 тэрбум төгрөгийг баталсан. Үүнд вакцин худалдан авах, тээвэрлэх, хадгалах, тарих зэрэг үйл ажиллагааны бүх зардал багтсан” гэв.