Засгийн газрыг огцруулах албан бичгээ өргөн барьсан талаар Ц.Сандаг-Очир мэдээлэл өглөө. 

       Тэрбээр "Монгол Улсын Үндсэн хууль болоод УИХ-ын чуулганы хуралдааны Дэгийн тухайн хуулийн дагуу Монгол Улсын Ерөнхий сайд Г.Занданшатар даргыг огцруулах саналаа УИХ-ын дэд дарга Х.Булгантуяад өргөн барьлаа. УИХ дахь зарим гишүүн болон Засгийн газрын гишүүн УИХ-ын даргыг шалгуулах шаардлагыг өргөн барьж байх шиг байна. Анх удаа Монголын парламентад гүйцэтгэх засаглал нь УИХ хууль тогтоох дээд байгууллага руугаа халдсан үйл ажиллагаа болж байна гэж харж байна. Цагаан байрандаа шийдчих асуудлыг Төрийн ордны цагаан байранд оруулж ирж, төрийн ажлыг гацааж байгаад харамсаж байна. Нотол, нотолж чадахгүй бол цагаад гэдэг хуулийн зохицуулалт ярьж байгаа манай парламентын дарга. Гэтэл өнөөдөр хэн нэгнийг шүүхээр эцэслэн гэмт хэрэгт холбоотой гэдгийг нотлоогүй, тогтоогоогүй байхад гүйцэтгэх засаглалын тэргүүн өрөөндөө УИХ-ын даргыг алуурчин, авлигачин мэтээр цоллож байгаад гүнээ харамсаж байна. Үүнийг би захиалгатай улс төрийн тоглолт явж байгаа гэж харж байгаа. Ийм асуудал хэзээ ч байж болохгүй. Хууль тогтоох байгууллагын хараат бус, бие даасан байдалд халдаж, улс төрийнхөө хэрүүл тэмцэлд хууль, шүүхийн байгууллагыг татан оролцуулж, Монгол Улсад хууль засагладаг биш өнөөдөр эрх мэдэлтнүүд засагладаг, дохио зангаагаараа хөдөлгөдөг мэтээр аашилж, авирласнаасаа болж УИХ-ын 68 гишүүнтэй бүлгийг хоёр хувааж, талцуулж, ийм асуудалд оруулсан хүн нь Монгол Улсын гүйцэтгэх засаглалын тэргүүн Г.Занданшатар өөрөө болж байна" гэв.