Аж үйлдвэр эрдэс баялгийн сайд Г.Дамдинням цаг үеийн асуудлаар мэдээлэл хийлээ.

Тэрбээр "Сүүлийн үед олон нийтийн мэдээллийн хэрэгслээр худал мэдээлэл хийж байгаад няцаалт хийж байна. Засгийн газрын 55 дугаар тогтоол хууль зөрчөөгүй. Үүнтэй ижил утгатай тогтоол 10 удаа гарч байсан. Биднийг ажил авахад экспорт зогссон, биржийн худалдаа зогсож, эдийн засаг уналтад орж, төсвийн орлого тасарсан байсан. Биржийн арилжаа нийт экспортын 10 хувьд хүрэхгүй, амны гэрээ буюу уртын гэрээний нүүрс хилээр гардаг хил дээр 4.1 сая тонн нүүрс гацсан байсан. Цалин, тэтгэвэр, хөрөнгө оруулалтуудын хөрөнгө царцсан байлаа.Тиймээс бид экспортын чиглэлээр үйл ажиллагаа явуулдаг  сайд нартай хамтарч, хоёр тогтоол батлуулсны үр дүнд бид нэмэх эдийн засагтай болсон байна. Үүний үр дүнд биржийн экспорт нэмэгдсэн. Ингэснээр АМНАТ-ын хувь хэмжээ нэмэгдсэн чухал ач холбогдолтой. Өнгөрсөн хугацаанд 55 дугаар тогтоолтой ижил янз янзын тогтоол гаргасан байсан.

Асуудал яриад байгаа гишүүний хувьд өөрөө Хууль зүй, дотоод хэргийн яаманд 2013 оноос хойш ажиллах хугацаандаа 10 тогтоолын таван тогтоолд оролцсон байдаг. Энэ таван тогтоолын зарим нь гэрээний үнээр буюу татвараас зугтаах тогтоолууд ч гаргасан байна. Тэр үед яагаад Засгийн газрыг огцууруулаагүй юм бэ. Г.Занданшатарын Засгийн газар үнэнийг илчлэхийн тулд ажилласан. Биржийн тухай хууль гарснаар монголчууд дотооддоо ил үнэтэй болсон. Дарга цэргээ томилж, цэрэг нь хулгай хийдэг байдлыг арилгахын тулд энэ хуулийг бий болгосон. Биржийн хуулиа бид хамгаалах  ёстой. Гадна , дотнын нөлөөллөөр энэ хуулийг болиулах ажил өрнөж байгаа нь үнэн. Татвар хураамжийг бууруулж, төрийн оролцоог бууруулах амлалтаа биелүүлэхээр явж байхад яагаад үүнээс долоон дор шийдвэрт оролцож байхдаа Засгийн газрыг огцруулаагүй юм бэ. Энэ бол улстөржилт. Тоо худлаа ярихгүй. Засгийн газар өөрөө эх үүсвэрээ зааж өгөх бүрэн эрхтэй. Харин шатахуун асуудал дээр 30 хоногийн нөөц байгаа. Үүн дээр ард иргэд тайван  хүлээцтэй хандах хэрэгтэй.

Засгийн газрын 55 дугаар тогтоолоор салбараа, эдийн засгаа, 1072 хувьцааг дэмжиж байгаа юм. Хоёрдугаарт, энэ тогтоолын хүрээнд биржийг ил тод болгож байгаа юм. Ингэснээр Монголын нүүрсний арилжаа нууц гэрээгээр биш ард түмний нүдэн дээр ил тодоор явдаг болно" гэлээ.