Кино урлагийг дэмжих тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2019.04.16-ны өдөр өргөн мэдүүлсэн/-ийг эцэслэн баталлаа.

Энэ үеэр Монгол Улсын Их хурлын дарга Г.Занданшатар "Монгол Улс түүхэндээ анх удаа Кино урлагийн тухай хуультай боллоо. Сая бид баталлаа. Энэ хуулийн санаачилга анх 2010 онд гарч, 2012 онд ажлын хэсэг байгуулагдаж, 2015 онд анхны төслийг боловсруулсан. 2019 онд УИХ-ын гишүүн Ё.Баатарбилэг хуулийн төслийг УИХ-д өргөн барьсан. Өнөөдөр энэ хууль батлагдлаа. Монгол киног дэлхийд гаргах үйл хэрэгт нь амжилт хүсье" гэлээ.

Мөн Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд эцэслэн батлах санал хураалт явуулна. 39-өөс дээш гишүүн дэмжвэл батална хэмээн Монгол Улсын Их хурлын дарга Г.Занданшатар хэллээ.

Өнөөдрийн чуулганы нэгдсэн хуралдаанаар эцэслэн баталсан хуулиуд:

·         Хөдөлмөрийн тухай хуулийн төсөл, хамт өргөн мэдүүлсэн Хөдөлмөрийн тухай хууль хүчингүй болсонд тухай хуулийн төсөл,

·         Хөдөлмөр эрхлэлтийг дэмжих тухай хууль,

·         Мэргэжлийн боловсрол сургалтын тухай,

·         Жендерийн эрх тэгш байдлыг хангах тухай хуульд нэмэлт өөрчлөлт оруулах тухай хуулийн төсөл,

·         Эвлэрүүлэн зуучлалын тухай хууль,

·         Төрийн албаны,

·         Төрийн албаны тухай хуульд нэмэлт өөрчлөлт оруулах тухай хууль,

·         Захиргааны ерөнхий хууль,

·         Нийгмийн даатгалын сангаас олгох тэтгэвэр тэтгэмжийн тухай хуульд нэмэлт өөрчлөлт оруулах,

·         Боловсролын тухай хуульд нэмэлт өөрчлөлт оруулах тухай хууль,

·         Дипломат албаны тухай,

·         Донорын тухай,

·         Хөдөлмөрийн хөлсний доод хэмжээний тухай хууль,

·         Нийгмийн даатгалын тухай хуульд өөрчлөлт оруулах тухай хуулийн төслийг эцэслэн батлаад байна.