• Өнөөдөр 2025-12-26

МАН, У.Хүрэлсүх хоёрын хамгийн эмзэг цэг нь Ц.АНАНДБАЗАР болчихлоо

2021-04-15,   2421

-“БАНДААШ” Д.Гантулга, “ӨГЗӨГ” Д.Одбаяр нарын дуулиан бүрэн намжаагүй байхад "51" Ц.Анандбазар нэмэгдэхээр МАН-ын нэр хүнд бүр ч эвгүйдэх нь ээ-

         Ерөнхийлөгчийн сонгуулийн өмнөхөн МАН-ын гишүүдтэй  холбоотой хүчингийн гэмт хэрэг  олны өмнө ил болдог жишиг тогтох нь.  2017 онд УИХ-ын гишүүн Д.Гантулга хүчингийн хэрэгт холбогдож байсан. Харин энэ удаад Ц.Анандбазар мөн л  бусдыг  хүчиндсэн, бэлгийн дарамт учруулсан гэх үндэслэлүүдээр хууль хяналтын хаалга, үүд татах нь тодорхой болоод байна. 
    Олноо балетчин, УИХ-ын гишүүд, дарга нартай ойр гэгддэг балетчин бүсгүй Б.Сүндэръяа түүний зүй бус мэдээллийг олонд зарлав. Тэрбээр анх "УИХ-ын нэр бүхий гишүүнийг өөрт нь хүчирхийлэл үйлдсэн, түүгээр ч зогсохгүй өнөөдрийг хүртэл байнга дарамталдаг" хэмээн өөрийн цахим хаягтаа нийтэлсэн. Тодруулбал, “Намайг нэр бүхий гишүүн олон жилийн өмнөөс дарамтлах болсон. Монголын тэрбумтан томоохон бизнесмен. Одоо УИХ гишүүн болсон эрхэм. Эрх мэдэл мөнгөтэй хүмүүсийн тоглоом золиос болсон хүн  надаар дуусаасай. Би сүүлчийнх нь байгаасай. Магад өөрийгөө өмөөрөх аргаа олж ядан би мөнгөтэй болохоор намайг шантаажилж байна. Надаас мөнгө нэхсэн гэж намайг шантаажчин худалч эмэгтэй болгож, хөлсний хүмүүсээр бичүүлэх байх. Үр минь үлдэх хорвоо үнэн л орших юм шүү” гэх агуулгатай зүйлийг бичсэн нь олны анхааралд өртөөд буй.
 
     Улмаар “Энэ гишүүн хэн бэ” гэх таамаг сүүлийн хэдэн өдрүүдэд цахим орчинд идэвхтэй өрнөж, олон хүн УИХ-ын гишүүн Ц.Анандбазарыг нэрлээд байв. Үүнтэй зэрэгцээд Булган аймгаас УИХ-ын сонгуульд нэр дэвшиж, ялалт байгуулсан Ц.Анандбазар “Би биш. Би Сүндэръяа гэх эмэгтэйг танихгүй. Огт уулзаж байгаагүй” хэмээн албан ёсны цахим хаягаараа мэдэгдэл гаргав. Түүгээр ч зогсохгүй иргэн Б.Сүндэръяагийн эхлүүлсэн “Me toо” аянд нэгдсэнээ зарлаад амжсан. 
     Харин өчигдөр Б.Сүндэръяа мөнөөх нэр бүхий эрх мэдэл, албан тушаалтны нэрийг ил болгосон юм. Тэрбээр “УИХ-ын гишүүн Ц.Анандбазар нэр дурдагдсан эрхэм мөн бөгөөд асуудлыг ил болгосноос хойш түүний хүчирхийлэлд өртсөн олон эмэгтэй байна. 1000 гаруй эмэгтэй надад хандсан” гэх мэдээллийг олон нийтийн хэвлэл мэдээллээр албан ёсоор мэдээлэв. Түүнчлэн ХЭҮК-оос Ц.Анандбазарыг цахим орчинд гарсан гомдол, мэдээллийн талаар албан ёсны байр сууриа илэрхийлэхийг зөвлөсөн юм. Түүний хэлснээр бол Ц.Анандбазар хүчин, ажлын байрны бэлгийн дарамт үзүүлэх хэрэг үйлдсэн нь үнэн бол 1000 гаруй хохирогчтой ноцтой хэрэг ил болсон гэсэн үг. Гэхдээ энэ нь цаашаа улс төр агуулж, түүний нэр хүндээр туг тахих гэсэн улс төрийн уран шаглаатай нүүдэл ч байж мэдэх. Зарим талаар нэг хүн мянган эмэгтэйг хүчиндэж, бэлгийн дарамт үзүүлсэн гэдэг нь худлаа байх магадлал тун өндөр.
 
     УИХ-ын гишүүн Ц.Анандбазарын энэ асуудал улам бүр хүчээ авч, гишүүний бүрэн эрхээс нь түдгэлзүүлэх хэмжээнд хүрсэн сурагтай. Тодруулбал, дээрх асуудлаар МАН-ын Удирдах зөвлөл хуралдаж, Ц.Анандбазарыг эгүүлэн татах талаар ярьсан гэх мэдээлэл ч бий. Энэ хэргийг хууль хяналтын байгууллага шалгаж, шүүхээр эцэслэн тогтоох ч үүнээс өмнө олон нийт түүнийг “хүчирхийлэгч” хэмээн яллачихлаа. 
    Угтаа бол УИХ-ын гишүүн Ц.Анандбазарыг ёс бус үйлдэл гаргадаг гэх дээрх асуудал Ерөнхийлөгчийн сонгуулийн өмнө өрнөдөг танил технологийг сануулж байна. 
      Одоогоос яг дөрвөн жилийн өмнө буюу 2017 онд Ерөнхийлөгчийн сонгууль болохтой зэрэгцэн УИХ-ын гишүүн асан Д.Гантулгын хүчингийн хэрэг сөхөгдсөн байдаг. Тухайн үед УИХ-ын сонгуульд Хэнтий аймгаас сонгогдсон Н.Гантулга  Н  гэх эмэгтэйг гэрт нь хүчиндсэн гэх хэрэгт буруутгагдаж, УИХ-ын бүрэн эрхээсээ өөрийн хүсэлтээр татгалзаж байлаа. Д.Гантулга  тухайн үед сэтгүүлчдэд мэдээлэл өгөхдөө  “Би 2017 оны зургадугаар сарын 11-ний орой “Энканто таун”-ы саунд найзуудтайгаа байсан. Орой нь үргэлжлүүлээд иргэн Ц-гийн гэрт очсон. Маргааш өглөө нь би шууд гараад явсан” хэмээгээд сэтгүүлчийн “Та дотуур өмдөө тэр айлаас өмсөөд гарсан уу” гэх асуултад дотуур хувцсаа өмсөөд гарсан” хэмээн хариулж, “Бандааш” гэх хочтой болсон.
 
   Улмаар түүнд холбогдох шүүх хурал 2019 оны арваннэгдүгээр сарын 12-нд болж, Хан-Уул дүүргийн эрүүгийн хэргийн анхан шатны шүүхээс Д.Гантулгат хоёр жилийн хорих ял оноосон юм. Үндсэндээ бол Н.Гантулгын хүчингийн асуудал яг өнөөдрийн өрнөж буй Ц.Анандбазарынхтай ижил  зохиолоор өрнөсөн гэсэн үг.  

   2017 оны Ерөнхийлөгчийн сонгуульд МАН буюу М.Энхболд ялагдсан нь 60 тэрбумын схемээс болсон гэгддэгч Д.Гантулгын хүчингийн хэрэг томоохон нөлөө үзүүлж, МАН-ын нэр хүндийг шороотой нь хутгачихсан юм. Бүр тодруулж хэлбэл, Ерөнхийлөгчийн сонгуульд өрсөлдөж байсан М.Энхболдын эмзэг цэг нь Н.Гантулга болсон. Хүчингийн гэмт хэрэг дэлгэгдэхээс өмнөх судалгаагаар М.Энхболдын нэр хүнд мөн ч өндөр байсан даа. 

    Харин одоо  МАН-ын эмзэг цэг нь  Ц.Анандбазар болчихлоо. МАН-аас Ерөнхийлөгчийн сонгуульд У.Хүрэлсүх дэвшинэ гээд бие хаагаа бэлдээд, битүүхэндээ намынхантай найр тавин уулзаж, хоёр хуваагдчихсан намаа нийлүүлж, ад, үзэж, чөтгөрийн тойрогтоо оруулаад мартчихсан байсан МАХН-ын дарга Н.Энхбаяртай хүртэл нэг "хөнжил"-д ороод авсан. Ерөнхийлөгч болж л байвал юу ч хийсэн яадаг юм бэ гээд улайрчихсан яваа.
Тэгвэл У.Хүрэлсүхийн эмзэг цэг, шороо манартал сонгуульд ялагдах нэг шалтаг нь Ц.Анандбазар болчихлоо. Цаашид яах, юу болохыг, ямар асуудал өрнөхийг харах л үлдлээ.
    МАН-ынхны бөгс, бөөр, хүчингийн дуулиан шуугиан зөвхөн үүгээр тогтохгүй. Нэр бүхий өндөр дээд албан тушаалтан, гишүүд эмэгтэйчүүдийн эрхэнд халдсан гэх асуудал хэд хэдэн удаа сөхөгдөж байв. Тухайлбал, одоогийн Үндсэн хуулийн цэцийн гишүүн Д.Одбаяр 2019 онд Цэцийн даргаар ажиллаж байхдаа онгоцны үйлчлэгч солонгос эмэгтэйн биед хүрсэн гэх дуулианд нэр холбогдож байлаа. Тухайн үед Үндсэн хуулийн цэцийн дарга асан Д.Одбаяр Улаанбаатараас Сөүлийн чиглэлийн онгоцоор зорчиж явахдаа онгоцны үйлчлэгч бүсгүйн өгзөг хэсэгт гар хүрч “бэлгийн халдлага” үйлдсэн хэргээр БНСУ-д саатуулагдаж байсан билээ.
. 
 МАН-ынхны нэр хүндийг шороотой хутгаж, сонгуульд ялагдал хүлээдэг гол цэг нь гишүүдийн энэ мэт ёс зүйгүй, увиагүй байдал юм.  Ирэх сонгуулийн зургаар бол Ц.Анандбазар зөвхөн эхлэл хэсэг. Удахгүй улс төр дэх томчуудын, ялангуяа нэр бүхий лидер улстөрчдийн хүчин, завхайрлын гэмт хэргийн бүр ноцтой баримт, бичлэг  дэлгэгдэх сураг гараад эхэлсэн байна лээ.
 

МАН, У.Хүрэлсүх хоёрын хамгийн эмзэг цэг нь Ц.АНАНДБАЗАР болчихлоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6
  • Сэтгэгдэл үлдээсэн: 2021-04-16 14:27:57
    иргэн: энэ ИХ ХУРЛЫН тал ньГЭМТ ХЭРЭГТЭН гэж яг үнэн шүү
  • Сэтгэгдэл үлдээсэн: 2021-04-15 19:28:47
    Зочин: Хүрэлсүх иймэрхүү арчаагүй юмнуудыг өөрийнхөө гар хөл болгон татаж улс жх орон ард түмнээр минь сүржигнэн үнэнч царайлах гэж загнаж зандарч луйвардаж ханахгүй байна уу? Ард түмнийг хошигруулж өөрийгөө хамгаалуулна гэсэн. Чи арл түмнийг амираа хамгаална гээд их олон хүнээр харин ч туг тахиж байна даа новш гэж
  • Сэтгэгдэл үлдээсэн: 2021-04-15 14:47:39
    zochin: Hurelsvh dargaa ene Dornodiin zasag bolon hamtragch nariig alban tushaalaas ni buulgaachee. ITHurliinhan ni huuli bus muriitei toglono, zasag hamag ungutei uudtei gazruudiig mungutei garuudad ugchihnu, hul horiotoi ued orlogch ni ITHurliin darga ni tamgiin gazriin bairandaa arhidaj zodoldson bugd medej baigaa, er em baahan bugsnii dontoi nuhdvvd hureeleld ni ajillaj baina. Zasag Badamsuren ni uuruu Sod mongol kolonkiin zawhai zahiral huuhentei yawaldana. Dampuurch bainaa Dornod
  • Сэтгэгдэл үлдээсэн: 2021-04-15 12:43:54
    Иргэн: Туйлдаж яваа мөнгөний гахайнуудаа нөгөө боовоо гаргадаг МУРАТАА мартчихаж ээ,бас нөгөө П...
  • Сэтгэгдэл үлдээсэн: 2021-04-15 12:08:43
    Irgen: Ene toriin sentiig buzarlasan nobshnuudiig bvhdiig ni abch haybal taarna
  • Сэтгэгдэл үлдээсэн: 2021-04-15 10:51:41
    Zochin: Emegtei erunhiilugchtei boloh zam neegdlee
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.