Г.Занданшатарын Засгийн газраа хамгаалж үлдэхээр боллоо, Цэцийн шийдвэрээр. Өөрөөр хэлбэл, Г.Занданшатарыг Ерөнхий сайдаас огцруулсан УИХ-ын тогтоол нь Үндсэн хууль зөрчсөн эсэх асуудлыг өчигдөр Үндсэн хуулийн цэц маргаан үүсгэж, хэлэлцээд УИХ-ын 95 дугаар тогтоол болон УИХ-ын дэд Х.Булгантуяа Үндсэн хууль зөрчсөн хэмээн шийдвэрлэлээ. Ингэснээр 2025 оны аравдугаар сарын  17-нд Төрийн өндөрлөгүүдэээс хоёр нь унасан бол Ерөнхий сайд буцаж, танхимаа хамгаалж үлдэх нь нэгэнт тодорхой болж байна.

       Цэцийн  хурал хэрхэн өрнөв. Их суудлын хуралдаанд Цэцийн есөн гишүүн бүрэн бүрэлдэхүүнээрээ оролцож, хуралдааныг Цэцийн дарга Г.Баясгалан даргалсан. Улмаар Цэцийн дарга Г.Баясгалантай холбоотой асуудлууд ч олны сүлжээнд ил болж, Монголын улс төрд өрнөдөг компанит ажлууд үргэлжилдэгээрээ үргэлжилсэн. Харин Цэцийн хуралд нэхэмжлэгч буюу Монгол Улсын Ерөнхий сайд Г.Занданшатарыг төлөөлж ЗГХЭГ-ын дарга С.Бямбацогт, ЗГХЭГ-ын дэд дарга Д.Цолмон, ЗГХЭГ-ын Тэргүүн дэд дарга Д.Мөнх-Эрдэнэ, Ерөнхий сайд Г.Занданшатарын итгэмжлэгдсэн төлөөлөгч Н.Лүндэндорж оролцож байгаа бол гэрчээр УИХ-ын Тамгын газрын дарга Б.Баасандорж, шинжээчээр хуульч О.Машбат нар оролцлоо. Мөн УИХ-ыг төлөөлж УИХ-ын гишүүн П.Сайнзориг, Х.Баасанжаргал, Г.Тэмүүлэн, А.Ундраа, Ц.Сандаг-Очир, Н.Номтойбаяр, М.Мандхай С.Ганбаатар Ч.Номин, Ц.Идэрбат, Б.Баярбаатар нар оролцохоор очсон билээ.

     Цэцийн хурал олон нийт хэвлэл мэдээллийн хэрэгсэлд нээлттэй эхэлсэн. Хуралдааны эхэнд УИХ-ын дэд дарга Х.Булгантуяа Цэцийн бүрэлдэхүүнд багтсан гишүүн О.Мөнхсайханаас татгалзах санал гаргасан ч хүлээж аваагүй. Цаашлаад УИХ-ын дэд дарга Х.Булгантуяа өмгөөлөгч авах хүсэлт гаргасан ч мөн л хүлээж аваагүй.

        Улмаар УИХ-ын гишүүн Г.Тэмүүлэн Цэцийн хуралдааныг хойшлуулах хүсэлт гаргасан. Тодруулбал, “Цэцийн маргааныг шууд үүсгэсэн нь Үндсэн хуулийн Цэцэд маргаан хянан шийдвэрлэх тухай хуулийн 23.3-т заасны дагуу онц болон дайны байдлын үед гурав хоногийн дотор хуралдуулна гэж заасан. Өнөөдөр Монгол Улсад онц болон дайны байдал зарлаагүй. Тиймээс жирийн үеийн дэгээр хуралдуулах ёстой. 23.4-тэй хольж тайлбарлаж болохгүй. 24.3-т зааснаар Цэцийн хурлыг 7 хоногийн өмнө олон нийтэд зарлах ёстой. Тиймээс энэ хуулийг ч баримтлаагүй. Бид хуульд заасны дагуу ажиллах ёстой” хэмээн мэдэгдсэн ч мөн ч Цэцээс хуралдаан хойшлуулах үндэслэлээ тайларласангүй  хэмээн хуралдааныг үргэлжүүлсэн. Үдээс хойших хуралдаанд УИХ-ын гишүүн П.Сайнзориг, Ц.Сандаг-Очир нарыг гэрчээр оролцуулахаар гэрчийг суудалд дуудсан.

      Гэвч УИХ-ын гишүүн П.Сайнзориг “УИХ-ын болон холбогдох хууль тогтоомжийн дагуу УИХ-ын итгэмжлэгдсэн төлөөлөгчөөр нэр бүхий гишүүдийг томилсон. Үүний дотор миний бие байсан. Ямар үндэслэлээр ийм шийдвэр гаргасан бэ гэдгийг хамгаалах бүрэн эрх бидэнд бий. Дээр нь хэрэг маргааныг хянан шийдвэрлэх ажиллагаанд оролцсон буюу Цэцийн маргаанд энэ хүнийг нь гэрчээр дуудна гэсэн ойлголт байхгүй. Гэтэл хурал даргалагч бидний гаргасан бүх хүсэлтэд тайлбар хийгээд хүсэлтийг хүлээж авсангүй. Дор хаяж гурван гишүүний бүрэлдэхүүнтэй хэлэлцэж, шийдвэр гаргах ёстой. Дээр нь Ц.Сандаг-Очир гишүүн бид хоёрын УИХ гишүүний үүргээ биелүүлэх боломжийг олгосонгүй. Ингэснээр УИХ инстуцын бүрэн эрхэнд халдаж байна. Ямар гишүүнээр Үндсэн хуулийн итгэмжлэгдсэн төлөөлөгчөөр томилох вэ гэдэгт халдаж, ямар үндэслэлээр гэрчээр тогтоож байгаагаа тайлбарласангүй. Би ямар үндэслэлээр гэрч байгаагаа мэдэхгүй байна. Ерөнхий сайдыг огцруулах 111 гишүүний 71 гишүүн огцруулах санал өгсний нэг нь би. Ийм байдлаар хүч түрж, Үндсэн хууль болон процессын хуулиа зөрчиж байна. Гомдлыг хүлээж аваагүй болон гэрчээр ямар үндэслэлээр тогтоож байгаагаа танилцуулсангүй" хэмээн мэдэгдсэнээр мөн л гэрчээр суухаас татгалзсан.

      Ингэснээр УИХ-ын итгэмгэмжлэгдсэн төлөөлөгчид болон УИХ-ын дэд дарга Х.Булгантуяа нар Үндсэн хуулийн цэцийн хуралдааныг хууль зөрчиж байна хэмээн орхин гарснаар үдээс хойших хуралдаанд Засгийн газрын төлөөлөгчид болон гэрээр УИХ-ын Тамгын газрын Ерөнхий нарийн бичгийн дарга Б.Баасандорж оролцож, хуралдааныг үргэлжлүүлсэн билээ. УИХ-ын гишүүдийн зүгээс Үндсэн хууль зөрчсөн хуралдаанд оролцохгүй гэдгээ мэдэгдсэн

         Угтаа бол УИХ, УИХ-ын гишүүдээс гаргасан санал болгоныг хүлээж аваагүй нь Цэцийн даргалагч үзэмжээр хандсан гэх шүүмжлэлийн “бай” болов. Угтаа бол Үндсэн хуулийн цэцийн хурал Засгийн газарт “найр тавьж”, УИХ-ын гишүүдийг ад үзсэн хурал болов.