22 жилийн өмнөх энэ өдөр АНУ-ын Нью-Йорк хотод байсан хоёр өндөр, их цамхаг нэрээрээ алдартай Дэлхийн худалдааны төв халдлагад өртөж нурж байв. Эргэн сануулбал, АНУ-ын агаарын тээврийн “Бойнг-767” хоёр онгоц Дэлхийн худалдааны төвийн хоёр барилгын 60 болон 110 давхрыг мөргөж, дэлбэрсэн. Харин гурав дахь нь буюу “Бойнг-557” онгоц дээрх хоёр онгоцыг ослыг дахин давтсанаар хоёр өндөр нэрээрээ алдартай Дэлхийн худалдааны төв нурсан. Хоёр өндрийн ослын улмаас 3000 орчим хүн амиа алдаж, 25 мянга гаруй хүн бэртэж, гэмтсэн байдаг. Улмаар АНУ-ын тусгай албанаас хоёр өндрийг “Аль-Каида” бүлэглэл алан хядах ажиллагаа явуулж, нураасан талаар мэдээлсэн бөгөөд тухайн үеийн АНУ-ын Ерөнхийлөгч Жорж Бушийн тушаалаар “Аль-Каида” бүлэглэлийн удирдагч Осама бин Ладеныг эрэн сурвалжилж, 2001 оны аравдугаар сарын 7-нд АНУ болно түүний холбоотон орнууд Афганистан дахь бүлэг, хөдөлгөөний төвүүдийг бөмбөгдөж эхэлснээр Афганистаны дайн эхэлсэн гэж үздэг.

Сонирхуулахад, хоёр өндрийн алан хядах ажиллагаа болохоос ердөө жилийн өмнө хоёр өндрийн барилгыг Ларри Силверштэйн гэх хоёр худалдан авч, даатгуулсан байсан бөгөөд Дэлхийн худалдааны төвийн сүйрлээс хойш 4.5 тэрбум ам.долларын нөхөн олговор авсан байдаг. Мөн өнгөрсөн 2022 онд АНУ-ын Холбооны мөрдөх товчооноос хоёр өндрийн алан хядах ажиллагаатай холбоотой баримт бичгийг нууцын зэрэглэлээс гаргасан бөгөөд тус бичиг баримтад дурдсанаар алан хядах ажиллагаатай холбоотой гэж үзэж байсан хэд хэдэн орны Засгийн газар, албан тушаалтан, хувь хүнд холбогдох нотлох баримт олж чадаагүй аж.