Дэлхийн хамгийн нөлөө бүхий хүн гэгддэг Гэгээн Ширээт Улсын төрийн тэргүүн, Ромын пап Францис өнөөдрөөс Монгол Улсад хийх таван өдрийн айлчлалаа эхлүүлж байна. 

                         Эрүүл мэндийн шалтгааны улмаас жилийн хугацаанд олон улсад айлчлаагүй Ромын пап Францис өнгөрсөн хоёрдугаар сараас Африкийн орнуудаас эхлэн айлчлалаа эхэлсэн. Тэрбээр Өмнөд Судан, Конгод хийсэн айлчлалаасаа буцахдаа Монгол Улсад айлчлахаа албан ёсоор мэдэгдээд байв. Гэсэн ч 1500 хүрэхгүй католик шашны дагагчтай Монгол Улсад уг шашны тэргүүн Ромын пап айлчлахаар болсон нь олон улсад "Яагаад" гэсэн асуулт үлдээсэн. "Буддын шашны тэргүүн Х Богдоо тодруулаад удаагүй байгаа Монгол Улсад яах гэж", "Хүн амын ердөө нэг хувь нь католик шашин дагагч, дийлэнх нь буддын шашны дагагчтай оронд Ромын пап юуны тулд айлчилж байна вэ" зэргээр олон улсын байгууллагууд асуулт тавьж эхэлсэн байдаг. Тэгвэл Ромын пап Францисын айлчлал эхлэх энэ үеэр дэлхийн нэртэй "The Guardian", "Reuters" агентлагийн тоймчид Ромын папын айлчлал Монгол Улсад геополитикийн чухал ач холбогдолтой болохыг онцолсон байна.

-РОМЫН ПАП ФРАНЦИС ГЭЖ ХЭН БЭ-

Ромын пап Францис буюу Хорхе Марио Берголио нь 1936 оны арванхоёрдугаар сарын 17-нд Аргентины Буэнос-Айрес хотод төржээ. Түүний өвөг дээдэс нь Итали гаралтай хүмүүс байсан бөгөөд Аргентинд цагаачилж байсан аж. Францис өсвөр насандаа бусдын адил хөл бөмбөгийн спорт шимтэж, хөгжөөн дэмждэг байсан бөгөөд химийн технологичийн мэргэжлээр сурч төгсөж байжээ. Мэргэжлээ эзэмшсэнийхээ дараагаар удалгүй шашны мөрийг дагаж, 1969 онд католик шашны санваартны хэргэм хүртсэн байдаг. Улмаар 1973-1979 онд Аргентины Есүсийн Нийгэмлэгийн мужийн тэргүүн, 1998 он буюу 62 насандаа Буэнос-Айресын тэргүүн хамба болжээ. 2013 оны хоёрдугаар сарын 28-нд Ромын пап XVI Бенедикт сэнтийгээсээ буусны дараагаар Берголиог шинэ пап ламаар сонгож, Францис алдар өгчээ. Францис 76 насандаа Ромын пап лам болсон аж.

-МОНГОЛ УЛС БА РОМЫН ПАПЫН ХАРИЛЦАА-

Ромын пап Францис пап лам болохоосоо өмнө тэргүүн хамба байхдаа буюу 2009 онд Монголын Элчин рүү үед “Ерөнхийлөгч Н.Энхбаяр шашин шүтэх эрх чөлөөнд хүндэтгэлтэй хандаж байгааг сайшаамаар байна” гэсэн утгатай захидал явуулж байжээ. Тэгвэл өнгөрсөн 2022 онд Монгол Улс Гэгээн Ширээт Улстай дипломат харилцаа тогтоосны 30 жилийн ой болоход Ерөнхийлөгч асан Н.Энхбаярыг хүлээн авч уулзсан байна. Улмаар өнгөрсөн оны наймдугаар сард католик сүмээс Монголд суурьших кардинал лам сонгосон нь Монгол Улсад суурьшсан католик сүмийн анхны кардинал болсон. 

-РОМЫН ПАП МОНГОЛД ЮУ АВЧРАХ ВЭ-

Зарим гаднын хэвлэлийн бичсэнээр Ромын пап Францис Монголд хийх айлчлалаараа Гүег хааны гар бичмэл захидлыг авчирч магадгүй гэнэ. Мөн папын айлчлалын "үүц"-энд хэд хэдэн сонирхолтой зүйл байх бөгөөд бид пап ламын дэлхийн орнуудад хийсэн айлчлалаас жишээ татан Монголд ирэх нөлөө, юу авчрахыг нь товчлон хүргэе.

АНУ, Куба Улсын эв найрамдал буюу пап Францисын 2014 оны айлчлал

                           Ромын пап Францисын айлчлал дэлхийн аль оронд чухал нөлөө үзүүлдэг ч хэт шашны сэдэлтэй байдгийг олон улсын хэвлэлүүд шүүмжилж байжээ. Харин пап Францис пап ламаар сонгогдсоныхоо дараа жил буюу 2014 онд хийсэн айлчлалаараа АНУ, Куба Улсыг сонгожээ. Пап Францис эхний ээлжид АНУ-д айлчилсан бөгөөд тухайн үеийн Ерөнхийлөгч Барак Обаматай хэлэлцээ хийсэн. Дараа нь Кубад айлчлахдаа мөн тус улсын төрийн тэргүүнтэй уулзаж, АНУ, Куба хоёрыг холбосон гүүр болсон бөгөөд пап ламын айлчлалын дараа хоёр орны хооронд хоригдол солилцох томоохон ажиллагаа амжилттай зохион байгуулжээ. Мөн Ромын папын айлчлал АНУ дахь католик шашны дагагчдын тоог эрс нэмсэн ч пап Францис АНУ-ын Ерөнхийлөгч асан Барак Обаматай ярьсан арлын улсын эдийн засгийн хориг арга хэмжээг зөөлрүүлэх төлөвлөгөөг нийтэд ил болгосон нь олны шүүмжлэлд өртөж байсан байна.

Солонгост католик шашны дэлгэрүүлсэн нь буюу Ромын папын хоёр дахь айлчлал

                       Пап Францис 2014 онд БНСУ-д таван өдрийн айлчлал хийжээ. Айлчлалын хүрээнд пап лам тухайн үеийн БНСУ-ын Ерөнхийлөгч Пак Гын Хэ нарын албаны хүнтэй уулзаж, хоёр солонгосын харилцаа, дүрвэгч, хөгжлийн бэрхшээлтэй иргэдийн асуудлаар санал солилцсон байдаг. Ромын папын Сөүл хотод хийсэн уулзалтад сая гаруй хүн оролцсон бөгөөд пап ламын айлчлалын дараа БНСУ дахь католик шашны дагагчдын тоо 70 хувиар нэмэгджээ.

Католик, лалын шашны хослол буюу Чилид хийсэн айлчлал

                       Ромын пап Францис өнгөрсөн 2022 оны аравдугаар сард Бахрейн Улсад дөрвөн хоногийн төрийн айлчлал хийсэн. Айлчлалын хүрээнд лалын шашны дагагчтай зонхилсон Чилид католик шашны итгэгч, дагагчдыг тоог нэмэх хүсэлтэй байгаагаа илэрхийлж, хэд хэдэн сургалт, ярилцлага, үйл ажиллагаа зохион байгуулжээ. Улмаар Манама хотод пап Фрэнсис 1200 хүий багтаамтжай "Дорно ба Барууны яриа хэлэлцээний форум" зохион байгуулсан ч амжилтад хүрээгүй гэнэ. Одоо ч Бахрейны дийлэнх хувийг лалын шашны дагагч үлдсэн цөөн хувийг католик шашны дагагч эзэлж байгаа юм байна.