Өвсний толгой шарлаж, арвайн үзүүр бөхийсөн налгар намрын өдрүүд үргэлжилж байна. Тариачид ургацаа хурааж, малчид хадлангаа бэлтгэж өнтэй өвөлжихөөр бэлдэж буй. Газар тариалан эрхлэж буй улсын болон хувь аж ахуйн нэгжүүд тоног төхөөрөмжөөс эхлээд хүн хүч хэрэгтэй байгаа нь мэдээж хэрэг. Тиймээс бид энэ удаа ургац хураалтын тоног төхөөрөмж ямар үнэтэй байдаг талаарх мэдээлэл бэлтгэлээ. Манай улсын хувьд газар тариалангийн шаардлагатай тоног төхөөрөмжөө БНХАУ-аас оруулж ирдэг байна. Хэрэглэгчиддээ аль болох уян хатан нөхцлөөр борлуулдаг аж. Тухайлбал, урдчилгаа 20-30 хувь аваад үлдсэн нь хоёроос гурван жилийн хугацаатай лизингээр олгодог байна. Жилийн хүү нь 2.5-4.62 хувь байдаг аж.  Монгол Улсын хувьд өнгөрч 2022 оны эхний ээлжинд 376.3 мянган га-гаас 417 мянган тонн үр тариа, үүнээс 349.8 мянган га-гаас 393.6 мянган тонн улаанбуудай, 20.0 мянган га-гаас 215.5 мянган тонн төмс, 12.3 мянган га-гаас 146.8 мянган тонн хүнсний ногоо, 61.5 мянган га-гаас 165.2 мянган тонн тэжээлийн ургамал, 124.3 мянган га-гаас 45.7 мянган тонн тосны ургамал тус тус хураан авчээ. Үүнээс гадна, тариаланчдын дунд “Зээл олдохгүй байна. Шатахууны дэмжлэг үзүүлээч. Намар ургацаасаа төлж барагдуулна” гэх зэрэг асуудлууд байнга гардаг байна.

      Манай улсын хувьд газар тариалангийн шаардлагатай тоног төхөөрөмжөө БНХАУ-аас оруулж ирдэг байна

        Манай улс энэ онд тариалалтад зориулан аж ахуйн нэгж, иргэд өөрсдийн хэрэгцээнд 42.9 мянган тонн улаанбуудайн үр нөөцлөх бөгөөд үрийн зориулалтаар 13.1 мянган тонн, тэжээлд 50.2 мянган тонн, спиртийн үйлдвэрт 12.5 мянган тонныг тус тус зарцуулахаар санал ирүүлснээр гурил үйлдвэрлэлд нийтдээ 353.3 мянган тонн буудай нийлүүлэгдэх төлөвтэй байгааг салбар яамнаас мэдээлсэн билээ. Түүнчлэн “Хүнсний ногоо” үндэсний хөтөлбөрийн хүрээнд улсын төсвийн 2.4 тэрбум төгрөгийн хөрөнгөөр төмс, хүнсний ногооны үрийн нөөц бүрдүүлж, иргэдэд нэн хөнгөлөлттэй нөхцөлөөр олгох, “Өрхийн тариалан” хөдөлгөөн өрнүүлж, тариалах талбай, хураан авах ургацын хэмжээг нэмэгдүүлэн, хангамжийг тогтворжуулах зорилгоор 10 нэр төрлийн 147.5 тонн ил талбайн болон хүлэмжийн ногооны үр, 50 тонн төмсний супер элит үрийг тариалалтаас өмнө нийлүүлэх ажлыг эхлүүлжээ. Энэ хөнгөлөлттэй дэмжлэгт хот, хөдөөгийн 10.5 мянган өрхийг хамруулахаар төлөвлөсөн байна. ингээд уншигч та бүхэнд ургац хураалтын тоног төхөөрөмж ямар үнэ ханштай байгааг танилцуулъя.

Чиргүүл

                 Үнэ: 10 сая төгрөг. Урдчилгаа 20 хувийн төлөөд хоёр жилийн хугацаатай зургаан хувийн хүүтэй лизингээр худалдан авах боломжтой.

Өвс хуйлаг боогч

                   Үнэ: 10,850.00 евро. Урдчилгаа 10-30 хувь. Хүү 4,6 хувь

Ачигч

          Үнэ : 17,950 Евро. Урдчилгаа 10-30 хувь. Хүү 4,6 хувь

Трактор

Урьдчилгаа: 30 хувь

Жилийн хүү: 1.37 хувь

Хугацаа: 3 жил

Үнэ: 12,100 евро

Хүнсний ногоо хураагч

Үнэ: 1 540 439,00