Идлэг шонхор арабуудад бэлэглэж, 12 аймгаас авлах зөвшөөрөл гарсан талаар бид өмнө нь мэдээлсэн.

Өмнөх мэдээллийг энд дарж уншина уу. https://ergelt.mn/news/60/single/36278

Энэ талаар БОАЖ-ын сайд Б.Бат-Эрдэнээс тодрууллаа. Тэрбээр “Таван жил тутам шонхор шувууны тооллого явагддаг. Судалгаагаар шонхрын тоо толгой энэ жил 11 мянга давсан. Өмнө нь буюу 2015 оноос хойш Засгийн газраас шонхрын тоо толгой нууцын зэрэглэлд оруулсан байсан юм билээ. Яагаад хууль зөрчиж нууцын зэрэглэлд оруулсныг мэдэхгүй. Тэгээд бид нууцын зэрэглэлээс гаргах хүсэл өгч, энэ жил гаргуулсан. Араб болон Катар Улсын төрийн дээд албан тушуултнуудад 350 хүртлэх шонхор авлах зөвшөөрөл өгсөн. Тус улсуудын холбогдох байгууллагаас Гадаад харилцааны яамаар дамжуулж, албан бичгээ өгсөн. Үүний дагуу арга хэмжээг авсан. Мөн үүнээс гадна 38 мянган цахилгааны хүчдэлийг засварласан. Өмнөх жилүүдэд жилд 400-5000 шонхор шувуу цахилгаанд цохиулж, үхдэг гэсэн судалгаа гарсан. Цахилгааны хүчдэлийг засварласнаар бодитой үр дүн гарч, энэ тоо буурсан. Удахгүй судалгааны дүнг танилцуулна” гэлээ.