Нийслэлийн Баянзүрх дүүргийн “Амгалан” цогцолбор сургуулийн сурагчдын үдийн хоолны гэх зураг цахим орчинд тархаад байна.

         Энэ талаар “Амгалан” цогцолбор сургуулийн захирал Л.Баянтуулаас тодрууллаа. Тэрбээр “Цахим орчинд тархаад байгаа хоолны зураг манай сургуулийн үдийн хоолны зураг биш. Сургуулийн үдийн хоол бусад сургуулийн төсөвтэй адилхан байдаг. “Үдийн хоол” хөтөлбөрт сургуулийн сургалтын менежер, нийгмийн ажилтан, эмч, эцэг, эх, сурагчдын бүрэлдэхүүн хяналт тавьж ажилладаг. Өдөрт нэг, хоёрдугаар хоол сурагчдад өгдөг. Үдийн хоолны цэс долоо хоног бүрээр батлагдаж, цэсийн дагуу хоолоо хийж байгаа. Манай сургуульд түрээсийн байгууллага ажиллаж, сурагчдын хоолыг хийдэг.  Цахим орчинд тархаад байгаа асуудлыг тодруулахаар дүүргийн Мэргэжлийн хяналт, холбогдох албан тушаалтнуудтай уулзаад явж байна” гэх тайлбарыг өглөө.