Говь-Алтай аймгийн Алтай сумын Хилийн цэргийн 0214 дүгээр ангийн Баянтоорой заставын хугацаат цэргийн алба хаагч Х, М нар харуулын даргаа хөнөөгөөд зугтсан хэрэг гараад долоон сар өнгөрч байна. 

          Байлдагч Х, М нарт холбогдох хэрэгт Говь-Алтай аймгийн прокурорын газраас Эрүүгийн хуулийн тусгай ангийн 10.1 дүгээр зүйлийн 2.4, 2.9, 2.11, 28.5 дугаар зүйлийн 1, 28.7 дугаар зүйлийн 2, 28.8 дугаар зүйлийн 1, 28.15 дугаар зүйлийн 1, 17.2 дугаар зүйлийн 3.2 дахь хэсэгт зааснаар яллах дүгнэлт дүгнэлт үйлдсэн билээ. Байлдагч нарт холбогдох шүүх хурал өчигдөр эхэлж, гэм буруутайд тооцжээ. Шүүх хурал завсарлаж, өнөөдөр 10:00 цагт эхэлнэ.