“Токио-2020” олимпын наадмын хүрэл медальт, дэлхийн аварга М.Уранцэцэгт Хөдөлмөрийн баатар цол олголоо.

           Тэрбээр төрийн дээд одонгоор шагнуулсныхаа дараа сэтгэгдлээ хуваалцлаа. М.Уранцэцэг “Хөдөлмөрийн баатар гэх энэ эрхэм сайхан цолыг хүртсэндээ маш их баяртай байна. Энэ шагналыг хүртэхэд олон жилийн хүч хөдөлмөр, дасгалжуулагч нарын минь ур чадвар, бэлтгэл хангагч нарын минь хичээл зүтгэл орсон. Мөн ЦЕГ, “Хүч” спорт хорооныхон болон олон зүйлийн хүч, хөдөлмөрөөр би шагналыг авлаа. Энэ шагналыг авснаараа дааж явах нь хамгийн чухал гэж би бодож байна. Цаашид олон удаа Монголынхоо ард түмнийг баярлуулахын төлөө хичээх болно. Хөдөлмөрийн баатар болно гэдгээ сонсоод маш их баярласан. Хамгийн түрүүнд цолоо дааж явах нь чухал гэж бодогдсон доо. Миний дараагийн том зорилго бол 2024 оны олимпод оролцоно” гэлээ.