МУГТ Э.Цэндбаатарыг байртай болгох хөдөлгөөнийг орон даяар өнгөрсөн аравдугаар сард эхлүүлсэн байдаг. Эл аяныг Хөх хотын консул асан Д.Мөнх-Эрдэнэ эхлүүлж, хувийн зүгээс 50 сая төгрөг хандивлаж байгаагаа мэдэгдсэн.

Тэгвэл Э.Цэндбаатар шинэ байрандаа оржээ. Тэрбээр энэ талаараа цахим хуудастаа “Намайг байртай болгож өгсөн Монголын ард түмэндээ маш их баярлалаа. Мөн Д.Мөнх-Эрдэнэ ахад бас баярлалаа. Надад одоо санаа зовоод байх зүйл байхгүй болсон. Мэргэжлийн бокс руугаа гарахад бэлэн. Баярлалаа, та бүхнийхээ итгэлийг алдахгүй” хэмээн сэтгэлийн үгээ бичжээ.