Монголын үндэсний бөхийн холбооноос өнгөрсөн аравдугаар сарын 28-нд хэвлэлийн бага хурал хийсэн билээ. Хурлын үеэр тус холбооны тэргүүн Б.Магалжав допингийн эсрэг шинжилгээ өгсөн 18 бөхийн хариуг зарласан. Тэрбээр “Шинжилгээ өгсөн 18 бөхийн дөрвөн бөхөөс допинг илэрсэн. Одоогийн байдлаар допинг илэрсэн бөхчүүдийн нэрийг зарлах боломжгүй” гэсэн билээ. Харин допинг илэрсэн бөхчүүд 10 хоногийн дотор Б сорьцын шинжилгээ өгөх боломжтой гэсэн юм.

        Тэгвэл тус дөрвөн бөхийн Б сорьцоо шинжлүүлэх эсэхээ шийдэх хугацаа маргаашаар дуусгавар болж байна. Одоогийн байдлаар шинжилгээний хариугаа эсэргүүцэж, Б сорьцоо шинжлүүлэх бөх байхгүй байгаа аж. Хэрэв бөхчүүд Б сорьцоо шинжлүүлэх хариугаа ирүүлээгүй тохиолдолд шинжилгээний хариугаа хүлээн зөвшөөрч байна гэсэн үг.