Элчин сайд Д.Булган 2026 оны зургадугаар сарын 26-ны өдөр Итали Улсын Гадаад хэрэг, олон улсын хамтын ажиллагааны яамны Ази, Номхон далайн газрын захирал Паоло Крудэлэтэй уулзав. Уулзалтаар хоёр талын харилцаа, хамтын ажиллагааны асуудлаар дэлгэрэнгүй санал солилцсон байна.  Уулзалтын үеэр Монгол Улсын Ерөнхийлөгч У.Хүрэлсүхийн Бүгд Найрамдах Итали Улсад хийсэн төрийн айлчлал амжилттай болж, хоёр орны найрсаг харилцаа, хамтын ажиллагааны түвшинг ахиулжээ.

    Монгол, Италийн  “Стратегийн түншлэл”-д ахиц дэвшилд  хүрсэн гэдгийг онцолжээ. Цаашид Засгийн газар хоорондын холимог комиссын тавдугаар хуралдаан, Гадаад харилцааны яамд хоорондын улс төрийн тавдугаар зөвлөлдөх уулзалтыг хоёр талын тохиромжтой хугацаанд зохион байгуулахаар ярилцав.

   Монгол Улсад энэ оны наймдугаар сарын 17-28-ны өдрүүдэд зохион байгуулагдах билээ. Цөлжилттэй тэмцэх тухай НҮБ-ын конвенцын Талуудын 17 дугаар бага хурал, аравдугаар сард Монгол Улсын Ерөнхийлөгчийн ивээл дор зохион байгуулагдах “Дэлхийн эмэгтэй парламентчдын чуулга уулзалт”-ад Италийн талаас төлөөлөгчид оролцох зэрэг асуудлаар санал солилцов.

    Италийн Гадаад хэрэг, олон улсын хамтын ажиллагааны яамны Ази, Номхон далайн газрын захирал Паоло Крудэлэ хоёр улсын харилцаа, хамтын ажиллагааг өргөжүүлэхэд хувь нэмэр оруулна гэлээ. Ялангуяа эдийн засаг, үйлдвэрийн тоног төхөөрөмж, хүнс хөдөө аж ахуйн салбарт хамтын ажиллагааг идэвхжүүлэхэд хамтран ажиллахаа илэрхийлэв.