НҮБ-ын “СОР17” –гийн “Өндөр дээд түвшний арга хэмжээний нээлт” өглөө 08:00–10:30 цагт болж байна. Монгол Улсын Ерөнхийлөгч нээлтийн арга хэмжээнд оролцоно. Мөн өнөөдөр “COP17”-гийн “Санхүүжилтийн өдөр” эхэлж байна.Үүний дараа газрын менежмент ба ган гачигт тэсвэртэй байдлыг бэхжүүлэх санхүүжилтийн шинэлэг механизм болон газрын үнэ цэнэ зэрэг асуудлыг хэлэлцэнэ.

     Мөн “B4L форум”-аар эрсдэлийг бууруулах, 1.5 тэрбум га газрын нөхөн сэргээлтийг эрчимжүүлэх асуудлыг онцолж, газрын нөхөн сэргээлтийг бодит хөрөнгө оруулалт, санхүүжилттэй холбох шийдлүүдийг хэлэлцэнэ. Өдрийн турш санхүүжилтийн ирээдүйн дугуй ширээний уулзалт, Конвенцын хэрэгжилтийг дэмжих санхүүжилтийн чиглэл зэрэг өндөр түвшний хэлэлцүүлгүүд үргэлжилнэ.  “COP17”-гийн найм дахь өдөр газрын нөхөн сэргээлтийг бодит үйлдэл болгох санхүүжилтийн шийдлүүдийг эрэлхийлэх өдөр болно.