Боловсрол, шинжлэх ухааны сайд Л.Энх-амгалан гадаадын их, дээд сургуульд суралцах оюутнуудыг АНУ-ын дотоодын сургалтын тарифаар суралцуулах, магистр, бакалаврын төлбөрийг 20 орчим ам.доллароор багасгах болсон талаар мэдээлэв.

Тэрбээр “АНУ-д суугаа элчин сайд Ё.Отгонбаяртай хамтран АНУ-ын Их дээд сургуулиудад мөрддөг дотоодынх нь сургалтын төлбөрийн нөхцлөөр монгол оюутнуудаа сургах эхний алхамууд хийгдсэн.

Одоогоор АНУ-ын 2-3 мужаас бидний энэ саналыг хүлээж авахаа мэдэгдээд байна

АНУ-д бакалавр, магистрийн сургалтын дундаж үнэлгээ хамгийн багадаа 30-40 мянган ам.доллар байдаг. Бид АНУ-ын Засгийн газартай энэ чиглэлийн хэлэлцээрүүдийг хийж, тус улсын дотоодын тарифаар буюу 5-10 мянган ам.доллароор суралцах боломж бүрдүүлнэ. Одоогоор АНУ-ын 2-3 мужаас бидний энэ саналыг хүлээж авахаа мэдэгдээд байна” гэв.