Боловсролын үнэлгээний төвөөс элсэлтийн ерөнхий шалгалттай холбоотой мэдээлэл өглөө.

            Энэ үеэр Боловсролын үнэлгээний төвийн хэлтсийн дарга  Л.Ганбат  "Хуучин олон улсын шалгалтын дүн оноог, элсэлтийн ерөнхий шалгалтын дүн оноотой дүйцүүлдэг журам гэж тусдаа бие даасан журам байсан. Харин сайдын баталсан элсэлтийн шалгалт зохион байгуулах журам дотроо олон улсын шалгалтын дүйцүүлэхтэй холбоотой мэдээллийг тусгаж оруулсан. Мөн үндэсний хэмжээнд англи хэлний хөтөлбөр хэрэгжиж байгаатай холбогдуулан олон улсын шалгалт өгсөн хүүхдүүд тухайн хичээлээр элсэлтийн шалгалтаа өгөхгүйгээр дотоод их, дээд сургуульд элсэн орох боломжтой. Гэхдээ олон улсын шалгалт өгөөд дүйцүүлсэн ч гэсэн тухайн шалгуулагч өөрийн хүсэлтээр давхар ЭЕШ-ийн шалгалт өгөх боломж бий. Олон улсын шалгалтын оноогоо дүйцүүлэх хүсэлтийг гуравдугаар сарын 1-нээс тавдугаар сарын 31-нийг хүртэл цахимаар хүлээн авч шийдвэрлэнэ. Дүйцүүлэх хүсэлтээ өгснөөс арван хоногийн хугацаанд Боловсролын үнэлгээний төвөөс цахимаар батламж хуудсыг нь дамжуулж өгнө. Элсэлтийн ерөнхий шалгалтад бүрдүүлэх дөрвөн гол бичиг баримт бий. Үүнд,

• Иргэний үнэмлэх
• Бүртгэлийн хуудас
• Суудлын хуваарь
• Бүрэн дунд боловсролын үнэмлэх зэрэг багтана" гэв.