Элсэлтийн ерөнхий шалгалтын бүртгэл, үйл ажиллагаатай холбоотойгоор Боловсролын үнэлгээний төвөөс мэдээлэл өглөө. Энэ үеэр Боловсролын үнэлгээний төвийн хэлтсийн дарга Л.Ганбат "Хөгжлийн бэрхшээлтэй иргэд элсэлтийн шалгалтад хэрхэн хамрах зохицуулалтыг журам, удирдамжид тусгайлан заасан байдаг. Энэ дагуу хөгжлийн бэрхшээлтэй иргэд шалгалтад бүртгүүлсэн бол заавал сургуулиараа дамжуулах юм уу Боловсролын үнэлгээний төвд хүсэлт гаргах шаардлагатай. Бид тухайн иргэний хөгжлийн хэрэгцээ шаардлагад тохируулан элсэлтийн шалгалтын үед тусгайлан бэлтгэсэн анги, танхим, шалгалтын цаг, даалгаврын агуулгад нэмэлт зохицуулалтыг хийж авдаг журамтай" гэв.